மட்டக்களப்பு வாழைச்சேனையில் நேற்று பிற்பகல் வேளை ஏற்பட்ட மின்னல் தாக்கம் காரணமாக பிரதேசத்தில் மின்சாரப் பொருட்கள் பல சேதமடைந்துள்ளன.
வாழைச்சேனை விநாயகபுரத்தில் பிற்பகல் 1.30 மணியளவில் இரண்டு வீடுகளில் இச்சம்பவம் ஏற்பட்டுள்ளது. வளவில் உள்ள தென்னை மரங்களில் மின்னல் தாக்கி தீ பற்றியுள்ளது. தீயானது வீட்டின் கூரையின் மீது பரவியதனையடுத்து சம்பவம் அறிந்த அயலவர்கள் தீ பரவாமல் தடுத்துள்ளனர்.
இதேவேளை குறித்த வீடுளில் வசித்தோர் உறவினர்களின் வீடுகளுக்கு சென்றிருந்ததால் உயிர்; சேதம் எதுவும் ஏற்படமால் தடுக்கப்பட்டுள்ளது.
ஆனால் குறித்த பிரதேசத்தில் பல வீடுகளில் பாவனையில் இருந்த மின்சார பாவனைப் பொருட்கள் பல சேதமடைந்துள்ளதாக பிரதேச மக்கள் கவலை தெரிவித்தனர்.
நேற்று மட்டக்களப்பு மாவட்டத்தில் பல இடங்களில் இருளுடன் கூடிய காலநிலை நிலவியதுடன் தூறல் மழையும் பெய்தது.
What’s your Reaction?
+1
+1
+1
+1
+1
+1
+1
