பாதுகாப்பு அமைச்சு மற்றும் பொது பாதுகாப்பு அமைச்சு மீதான விவாதம் நடைபெற்று வரும் வேளையில் பாராளுமன்றத்தில் ஏற்பட்ட மின்வெட்டு தொடர்பான விசாரணைகளை குற்றப் புலனாய்வுப் பிரிவினரிடம் ஒப்படைக்குமாறு சபாநாயகரிடம் அரசாங்கம் இன்று கோரிக்கை விடுத்துள்ளது.
பாராளுமன்றத்தின் பாதுகாப்பை உறுதிப்படுத்த நடவடிக்கை எடுக்க வேண்டும் என அரசாங்கத்தின் பிரதம கொறடா அமைச்சர் ஜோன்ஸ்டன் பெர்னாண்டோ பாராளுமன்றத்தில் தெரிவித்தார்.
“இலங்கை மின்சார சபைக்கு பல வருடங்களாக பாராளுமன்றத்தில் மின்சார விநியோகத்தை நிர்வகிக்கும் பொறுப்பு ஒப்படைக்கப்பட்டுள்ளதாக நான் அறிந்தேன். நாடாளுமன்றத்தின் அதிகார நிர்வாகத்தை அவுட்சோர்ஸ் செய்ய வேண்டாம் என சபாநாயகரிடம் கேட்டுக்கொள்கிறேன்,” என்றார்.
பாராளுமன்றத்தில் மின்சாரம் மின்சார சபையினால் கட்டுப்படுத்தப்படுவதாகத் தெரிவித்த திரு பெர்னாண்டோ, பாராளுமன்றத்தின் மின் கட்டுப்பாட்டை தனியான பொறியியலாளர் ஒருவரின் கீழ் கொண்டு வருமாறு கோரிக்கை விடுத்தார்.
பொறியியலாளர் ஒருவரை ஆட்சேர்ப்பு செய்து பாராளுமன்ற மின்சார விநியோகம் பாராளுமன்றத்தால் பொறுப்பேற்கப்பட வேண்டுமென அமைச்சர் கூறினார்.
மின்சாரம் தடைபடும் போது ஜெனரேட்டர்களைப் பயன்படுத்தி தொடர்ந்து மின்சாரம் வழங்குவதை உறுதி செய்வது நாடாளுமன்றத்தின் கீழ் கொண்டு வரப்பட வேண்டும் என்றார்.
இந்த பிரச்சினையை முடிவுக்கு கொண்டு வருவதற்கு எதிர்க்கட்சியின் கொறடாவான லக்ஷ்மன் கிரியெல்லவும் இணக்கம் தெரிவித்ததாகவும், அதற்காக அவருக்கு நன்றி தெரிவிப்பதாகவும் ஜோன்ஸ்டன் பெர்னாண்டோ மேலும் தெரிவித்தார்.
