கொழும்பில் உள்ள இந்திய உயர்ஸ்தானிகராலயத்தை புகைப்படம் எடுத்த குற்றச்சாட்டில் மூன்று பாகிஸ்தான் பிரஜைகளை இலங்கை பொலிஸார் கைது செய்துள்ளனர்.
இந்திய பாதுகாப்பு அமைப்புகள் விசாரணையை கண்காணித்து வருகின்றன. இலங்கையின் சிஐடி மற்றும் பொலிசார் இந்த வழக்கை விசாரித்து வருகின்றனர்
பொலிஸார் வழக்கு பதிவு செய்து நீதிமன்றத்தில் ஆஜர்படுத்தினர். அவர்களை நீதிமன்ற காவலில் வைக்குமாறு கோரினர். பாகிஸ்தான் உயர் ஸ்தானிகராலயம் வழங்கிய சட்டத்தரணி மூலம் நீதிமன்றம் அவர்களுக்கு பிணை வழங்கியது. எவ்வாறாயினும், வழக்கு முடியும் வரை அவர்களது மொபைல் போன்கள் மற்றும் பாஸ்போர்ட்டுகள் நீதிமன்ற காவலில் வைக்கப்பட்டுள்ளன.
பாகிஸ்தானுக்கும் சவூதி அரேபியாவுக்கும் இடையிலான நேரடி விமான சேவைகள் தற்போது இயங்காத நிலையில், சவூதி அரேபியாவிற்கு செல்வதற்காக கட்டாய தனிமைப்படுத்தலுக்காக இலங்கை வந்ததாக கைது செய்யப்பட்ட மூவரும் தெரிவித்தனர். அவர்கள் இந்திய உயர்ஸ்தானிகராலயத்திற்கு அருகில் உள்ள ஹோட்டலில் தங்கியிருந்தனர். முச்சக்கர வண்டியில் வெளியில் வந்த அவர்கள், இந்திய உயர்ஸ்தானிகராலயத்தை தமது மொபைலில் இருந்து புகைப்படம் எடுத்தனர்.
கைது செய்யப்பட்டவர்களுக்கு இலங்கையில் உள்ள பாகிஸ்தான் உயர்ஸ்தானிகராலயம் சட்ட உதவிகளை வழங்கி வருகிறது.
இந்திய உயர்ஸ்தானிகராலயத்தை புகைப்படம் எடுத்ததன் பின்னணியில் பெரிய சதித்திட்டம் ஏதேனும் உள்ளதா என்பதை கண்டறிய இந்திய பாதுகாப்பு முகமைகள் கொழும்பு புலனாய்வு அமைப்புகளுடன் தொடர்பில் உள்ளன.
-Zee News-
