யாழ்ப்பாணத்தில் சுகாதார விதிமுறையை மீறி இடம்பெற்ற பொலிஸ் உத்தியோகத்தர் ஒருவரின் பதிவு திருமண நிகழ்வில் கலந்து கொண்ட சுமார் 52 குடும்பங்கள் தனிமைப்படுத்தப்பட்டுள்ளன.
கோப்பாய் சுகாதார வைத்திய அதிகார பிரிவில் கடந்த வாரம் பதிவு திருமணம் இடம்பெற்றது. பொலிஸ் உத்தியோகத்தர் ஒருவரின் இந்த பதிவு திருமணத்தில் சுமார் 200 பேர் வரையில் கலந்து கொண்டதாக கூறப்படுகிறது.
இதில் கலந்து கொண்ட ஒருவருக்கு கொரோனா தொற்று உறுதியானதையடுத்து, திருமண நிகழ்வில் கலந்து கொண்ட 52 குடும்பங்கள் தனிமைப்படுத்தப்பட்டுள்ளன.
அத்துடன், திருமண நிகழ்வில் கலந்து கொண்ட அச்சுவேலி பொலிஸ் நிலையத்தை சேர்ந்த 8 பொலிஸ் உத்தியோகத்தர்களும் தனிமைப்படுத்தப்பட்டுள்ளனர்.
