ஒரு மனிதன் இந்த உலகில் வாழ மிக முக்கியமான விஷயங்கள் உண்ண உணவு, உடுக்க உடை, இருக்க இடம், இந்த மூன்றையும் ஒரு மனிதன் பெற வேண்டும் என்றால் அவனிடம் பணம் வேண்டும், பணம் சம்பாதிக்க உழைக்க வேண்டும். இது தான் ஒவ்வொரு மனிதனின் வாழ்க்கை நியதி. சில மனிதர்கள் இந்த உழைப்பை ஒவ்வொரு விதமாகச் செலுத்துகின்றனர். சிலர் உடல் உழைப்பைக் காட்டுகின்றனர். சிலர் இருந்த இடத்திலிருந்த மூளையைப் பயன்படுத்தி வேலை பார்க்கின்றனர். சிலர் தன்னிடம் ஏற்கனவே உள்ள பணத்தை முதலீடு செய்து அதிலிருந்து பணம் சம்பாதிக்கின்றனர். இப்படி ஒவ்வொருவரும் ஒரு வழியைப் பின்பற்றுகின்றனர். இந்த பதிவில் நாம் இப்படியாக பணியாற்றும் மக்களின் உலகில் மிக மோசமான பணியைச் செய்யும் நபர்களைத் தான் காணப்போகிறோம். அதைப் பற்றி முழுமையாகக் காணலாம் வாருங்கள்.
ரயிலில் தள்ளும் வேலை
ஜப்பான் நாட்டில் ரயிலில் வரும் மக்களைத் தள்ளுவதற்காகவே அந்நாட்டு ரயில்வே நிர்வாகம் வேலைக்கு ஆட்களை எடுக்கிறது. ரயில் நிலையங்களில் அதிக கூட்ட நெரிசல் இருக்கும் அந்த நேரம் ரயிலில் படியில் பலர் நிற்பார்கள் அதனால் கதவு மூட முடியாத நிலை வரும் அவ்வாறான சூழ் நிலையில் படியில் நிற்கும் மக்களை உள்ளே/ வெளியே தள்ள ஆட்கள் நியமிக்கப்படுகிறார். அவர்கள் வேலை மக்களைத் தள்ளுவது மட்டும் தான்.
பாம்பு விஷம் சேகரிப்பு
விஷத்தன்மை கொண்ட பாம்புகளின் விஷங்கள் பல மருத்துவ பயன்பாட்டிற்காக உபயோகப்படுத்தப்படுகிறது. அப்படியாக விஷத் தன்மை கொண்ட பாம்புகளிடமிருந்து விஷத்தைத் தனியாக ஒரு பாட்டிலில் எடுக்கப் பல நாடுகளில் மருந்து தயாரிப்பு நிறுவனங்கள் ஆட்களை நியமித்துள்ளனர். அவர்கள் பெரும்பாலும் பாம்புகளுடன் பழக்கமுடையவர்களாக இருப்பார்கள்
நாய் உணவு பரிசோதகர்
நாய்களுக்காக உணவுகளைத் தயார் செய்யும் நிறுவனங்கள் அவர்கள் தயாரிக்கும் நாய் உணவுகளைச் சாப்பிட்டு சோதனை செய்து சுவை எப்படி இருக்கிறது என கூற வேண்டும். கேட்கும் போதே முகம் சுளிக்கும் வகையில் உள்ளது அல்லவா? உலகில் உள்ள மோசமான வேலைகளில் இதுவும் ஒன்று
தூங்கும் வேலை
பல நாடுகளில் தூங்குவதற்காகவே வேலைக்கு ஆட்களை எடுக்கும் நிறுவனங்கள் இருக்கின்றனர். அவர்கள் பணி நேரத்தில் தூங்கினால் மட்டும் போதும் அதற்கு அவர்களுக்குப் பணம் வழங்கப்படும். இவ்வாறான வேலையை மெத்தை நிறுவனங்கள் கொடுக்கின்றனர். சில நேரங்களில் ஓட்டல்கள் தங்கள் விருந்தினர்களுக்கு எவ்வாறான உணர்வு ஏற்படுகிறது என்ற ஆய்வுக்காக இந்த வேலையைக் கொடுக்கின்றனர். இப்படிப் பல நிறுவனங்கள் தூக்கத்திற்காக ஆட்களை வேலைக்கு எடுக்கின்றனர்.
அழுகை வேலை
மன அழுத்தத்தில் உள்ளவர்கள் மனசு விட்டு அழுதால் தான் அவர்கள் மனதில் உள்ள பாரம் குறையும். ஆனால் உலகில் பல மனிதர்களுக்கு தங்கள் பிரச்சனைகளைச் சொல்லி அழுவதற்குக் கூட ஆட்கள் இல்லை அவ்வாறான மனிதர்களுக்கு உதவுவதற்காக சில நிறுவனம் இயங்குகிறது. அவர்களுக்கு மனதில் பாரம் இருப்பவர்கள் போன் செய்தால் அவர்கள் இருக்கும் இடத்திற்கு அந்நிறுவனம் ஒரு ஆளை அனுப்பும், அவர்களிடம் மனம் விட்டு அழ முடியும். இப்படி அழும் போது அவர்கள் கூறுவது அனைத்து பாதுகாக்கப்படும் என்பது தான் அந்நிறுவனங்கள் முக்கிய வேலை. இது போன்ற நிறுவனங்கள் வேலை நாட்டில் மட்டுமல்ல இந்தியாவிலும் இருக்கிறது.
