மே 31-ஜூன் 2 திகதிக்குள் பூமியை மிக நெருக்கமாக 3 விண்கற்கள் கடக்கவிருப்பதாக நாசா நடத்தி வரும் ஜெட் புரோபல்சன் லேப் தெரிவித்துள்ளது. அதனால் பூமிக்கு எந்த விதமான ஆபத்தும் இல்லை எனவும் தெரிவித்துள்ளது.
நாசா கலிஃபோர்னியா இன்ஸ்ட்டியூட் ஆஃப் டெக்னாலஜி உடன் இணைந்து ஜெட் புரோபல்சன் லேபை நடத்தி வருகிறது. அவர்கள் விண்வெளியில் உள்ள விண் கல்லை ஆய்வு செய்து வருகின்றனர். அவர்கள் மே 31- ஜூன் 2 இடைபட்ட காலத்தில் 3 விண்கற்கள் பூமியை மிக நெருக்கமாக கடக்க போவதாக கண்டறிந்துள்ளனர்.
அதில் மிகப்பெரிய விண்கல்லாக KT1 என்ற விண் கல் பூமி கடக்கிறது. நீங்கள் இந்த செய்தியை படித்துக்கொண்டிருக்கும் போது அது பூமியை கடந்து கொண்டிருக்கலாம் அல்லது கடந்திருக்கலாம். இந்த KT1 தவிர மற்ற இரண்டு கற்கள் பூமியிருந்து 11 -59 லட்சம் கி.மீ தொலைவில் கடக்கிறது. KT1 75 லட்சம் கி.மீதொலைவில் பூமியை கடக்கிறது.
இந்த 75 லட்சம் கி.மீ தொலைவு என்பது பூமியிலிருந்து சந்திரனிற்கு இருக்கும் தொலைவை விட 20 மடங்கு அதிகம் என்றாலும் விண்வெளி ஆராய்ச்சியாளர்களிபடி அது பூமிக்கு மிக அருகில் கடக்கும் மிகப்பெரிய விண்கல்லாக பார்க்கப்படுகிறது. இதில் KT1 என்ற விண்கல் சுமார் 186 மீட்டர் நிளம் கொண்டது. மற்ற இரண்டும் சிறியவை தான். அவை பூமியை தாக்கினால் பெரிய சேதாரம் ஏற்படாது. ஆனால் KT1 பூமியை தாக்கினால் ஏற்படும் சேதாரம் மிகப்பெரிய அளவில் இருக்கும் என கணிக்கப்பட்டுள்ளது.
அதே நேரத்தில் பூமியை மிக நெருக்கமாக விண்கற்கள் கடக்கும் போது பூமியில் பெரிய அளவில் மாற்றங்கள் ஏற்படுவதாக விஞ்ஞானிகள் கணித்துள்ளனர். அதனால் இந்த கல் கடக்கும் போது என்ன மாற்றம் ஏற்பட போகிறது என ஆய்வு செய்து வருகின்றனர்.
நாசா இவ்வாறாக பூமியை தாக்க வரும் விண்கல்களை ஆய்வு செய்து மிகப்பெரிய விண்கல் பூமியை தாக்க நேர்ந்தால் அதை விண்வெளியிலேயே தாக்கி பூமிக்கு அது வராமல் திசை மாற்றம் செய்யும் தொழிநுட்பத்தை கொண்டுள்ளது என்பது குறிப்பிடத்தக்கது. அதற்கு முன்னர் பூமியை பல விண்கற்கள் தாக்கியுள்ளது குறிப்பிடத்தக்கது.
