மூளையின் செயல்பாட்டை பாதிக்கும் முக்கிய காரணிகள்!

​புகைபிடிக்கும் பழக்கம்

டிமென்சியா பாதிப்பில் இருந்து நம்மை காத்துக்கொள்ள நமக்கு புகை பிடிக்கும் பழக்கம் உதவுகிறது என்று முன்பு விளம்பரப்படுத்தப்பட்டு வந்த நிலையில், இன்றோ அந்த நிலைமை முற்றிலும் எதிர்ப்பதமாக உள்ளது.

புகைபிடிக்கும் பழக்கத்திற்கு அடிமை ஆகாதவர்களைவிட, இந்த பழக்கத்திற்கு அடிமையானவர்களுக்கு டிமென்சியா பாதிப்பு ஏற்பட 50 சதவீதம் அதிக வாய்ப்பு இருப்பதாக கண்டறியப்பட்டு உள்ளது. ஏடி மற்றும் வாஸ்குலார் டிமென்சியா பாதிப்பு ஏற்படுவதற்கு புகைபிடிக்கும் பழக்கம் நேரடி தொடர்பு இருப்பது தெரியவந்துள்ளது. டிமென்சியாவில் ஒரு வகை, பக்கவாதத்தை ஏற்படுத்துவதோடு மட்டுமல்லாது, மூளைக்கு செல்லும் ரத்தத்தின் அளவை கட்டுப்படுத்துவதாக உள்ளது. 2011ஆம் ஆண்டில் லான்செட் வெளியிட்டுள்ள ஆய்வு முடிவுகளின்படி, சர்வதேச அளவில் 14 சதவீத ஏடி பாதிப்புக்கு புகைப்பிடிக்கும் பழக்கம் தான் காரணம் என் அதில் குறிப்பிடப்பட்டு உள்ளது.

புகைப்பிடிக்கும் பழக்கம், டிமென்சியா மட்டுமல்லாது அதனோடு தொடர்புடைய இதய நோய்கள், பக்கவாதம் மற்றும் நீரிழிவு போன்ற மற்ற குறைபாடுகளும் வர வாய்ப்பு உள்ளதாக தெரிவிக்கப்பட்டு உள்ளது. இது ரத்த நாளங்களை மிகவும் கடினப்படுத்துவதோடு மட்டுமல்லாது, ஏதிரோஸ்கிளிரோசிஸ் வருவதற்கான வாய்ப்புகள் மிக அதிகம் ஆகும்.

​வீக்கத்தை அதிகரிக்கிறது.

ஆக்சிஜனேற்ற அழுத்தத்தை அதிகரிக்க செய்கிறது. இது உடலில் ஏற்படும் ப்ரீ ரேடிகல்ஸினால் ஏற்படும் வினைகளுக்கு ஏற்ப வினைபுரிகிறது.

உங்கள் மூளை ஆரோக்கியமாகவும், அதே சமயம் சிறந்த முறையில் செயலாற்றவும் இருக்க வேண்டுமானால், நாம் சில நடவடிக்கைகளை தொடர்ந்து மேற்கொள்வது மிகவும் அவசியம் ஆகும். இது டிமென்சியா ஏற்படுவதற்கான வாய்ப்பை அதிகரிக்கிறது. நீண்ட நேரம் உட்கார்ந்து இருக்கும் நபர்களுக்கு, உடல் பருமன், நீரிழிவு மற்றும் பிற பாதிப்புகள் ஏற்படுவதற்கான வாய்ப்புகள் மிகவும் அதிகமாக உள்ளன. இந்த செயலற்ற தன்மையானது, மூளையின் செயல்பாட்டையும் மிகவும் பாதிக்கும் வகையில் உள்ளது.

​சமூகரீதியாக தனிமைப்படுத்திக் கொள்ள வேண்டும்

நீங்கள் தனியாக இருக்கும்போது, உங்களது அறிவாற்றல் திறன்கள் விரைவாக குறையும் வாய்ப்புகள் அதிகமாக உள்ளன. இது மன தூண்டுதல் குறைவாகவும் இருக்க வாய்ப்பு உண்டு. மேலும் பிற பாதிப்புகளை உருவாக்கும் காரணிகளை போன்றே, உயர் ரத்த அழுத்தம், மனச்சோர்வு போன்ற காரணிகள், உங்களது டிமென்சியா பாதிப்பின் அளவை அதிகரிக்க செய்து விடுகின்றன. நீங்கள் தனிமையாக இருக்கும்போது, உ ங்கள் ஏற்பட்டு இருக்கும் நோயின் தீவிரத்தை அது மேலும் அதிகரிக்க செய்துவிடுகிறது. இந்த நிலையில், உங்களை ஊக்குவிக்க யாரும் இல்லாத நிலையில், சுய பாதுகாப்பு அல்லது மருத்துவ சிகிச்சையை நாம் எளிதில் புறக்கணித்து விடலாம்.

நீண்ட நேரம் தனிமையில் இருப்பதும் டிமென்சியாவின் அறிகுறியே ஆகும். அவர்களால் வெகுநேரம் மற்றவர்களுடன் தொடர்பில் இருக்க முடியாது. சில நேரங்களில், அவர்களுக்கு என்ன நடந்தது என்பதை மற்றவர்கள் அறிவதே மிக கடினமானதாகி விடுகிறது.

​அதிக சர்க்கரை கொண்ட உணவுகளை சாப்பிடுதல்

இவ்வகை உணவுகளை நாம் அதிகம் சாப்பிடுவதனால், இதய நோய்கள், நீரிழிவு உள்ளிட்டவைகள் ஏற்படுவதற்கு காரணமாக அமைந்து விடுகின்றன. நடுத்தர வயதுள்ள 50 வயதுக்கு மேற்பட்டவர்களுக்கு டிமென்சியா வருவதற்கு 50 சதவீத வாய்ப்புகள் அதிகம் என்பது குறிப்பிடத்தக்கது. அதேபோல, அவர்களுக்கு டைப் 2 வகை நீரிழிவு மற்றும் ஏடி பாதிப்பும் வருவதற்கான வாய்ப்புகள் அதிகம் உள்ளன. அல்சீமர் அல்லது டைப் 3 வகை நீரிழிவும் அவர்களுக்கு ஏற்படுகின்றன.

இரத்தத்தில் அதிக சர்க்கரை கொண்டவர்களுக்கு, டிமென்சியா வரும் வாய்ப்புகள் மிகவும் அதிகமாக உள்ளன. இது நீங்கள் நீரிழிவுக்கு ஆட்படாத நிலையிலும் ஏற்படுகிறது என்பதே இதில் உள்ள சோகமான நிகழ்வு ஆகும். இரத்தத்தில் அதிக சர்க்கரை கொண்டவர்களின் அறிவாற்றல் திறன் மிக விரைவில் இழுக்கும் அபாயம் இருப்பதாக, 2018ஆம் ஆண்டில் வெளியிடப்பட்ட கருத்துக்கணிப்பில் தெரிவிக்கப்பட்டு உள்ளது.

​மருத்துவ குறைபாடுகளை அலட்சியப்படுத்தாதீர்கள்

சில வகை பழக்க வழக்கங்கள், டிமென்சியா பாதிப்பை அதிகரிக்கும் வகையில் உள்ளன. ஹைபர்டென்சன், டிப்பிரஸ்சன், நீரிழிவு உள்ளிட்ட குறைபாடுகளை நாம் அலட்சியப்படுத்தாமல், உடல் நலனில் மிகுந்த அக்கறையுடன் இருக்க வேண்டும்.

​ஹைபர் டென்சன்

உயர் ரத்த அழுத்தம் உள்ளவர்களுக்கு 1.5 மடங்கு அளவிற்கு டிமென்சியா ஏற்படும் வாய்ப்பு அதிகம் உள்ளது. உயர்ரத்த அழுத்தத்தால், ரத்த நாளங்களின் சுருங்கி அதில் ரத்த ஓட்டம் தடைபடுவதால், பக்கவாதம் ஏற்படுவதற்கும் வாய்ப்பாக அமைகிறது. எனவே, ரத்த அழுத்தம் சீராக இருப்பதை நாம் எப்போதும் உறுதி செய்து கொள்ளுதல் மிகவும் அவசியம் ஆகும்.

​மனச்சோர்வு

டிமென்சியா பாதிப்பின் அடுத்த நிலை டிப்ரசன் தான் என்பது அனைவரும் அறிந்ததே ஆகும். உங்களுக்கு டிப்ரசன் ஏற்பட்டதற்கான உணர்வுகள் ஏற்பட்டாலே, உடனே அதற்குரிய மருத்துவரை கலந்தாலோசித்து தகுந்த மருத்துவ ஆலோசனைகளை பெற்று நடப்பது மிகவும் அவசியம் ஆகும்.

​நீரிழிவு

டைப் 2 வகை நீரிழிவால் பாதிக்கப்பட்டு உள்ளவர்களுக்கு டிமென்சியா பாதிப்பு மிகவும் அதிகம் ஆகும். மருத்துவரை ஆலோசித்து, தகுந்த மருத்துவ பாதுகாப்பு முறைகளை மேற்கொண்டு டிமென்சியா உள்ளிட்ட பாதிப்புகள் வருவதை நாம் தடுத்துக்கொள்ள வேண்டும்.

​சரியான உறக்கம் இன்மை

டிமென்சியா பாதிப்பால் பாதிக்கப்பட்டு இருப்பவர்களுக்கு சரியான உறக்கம் இருக்காது, அல்லது அதிகமாக உறக்கம் மேற்கொள்வர்கள் என்ற இருவேறு கருத்துகள் உள்ளன. இதனால், நம்மால் இந்த விவகாரத்தில் சரியான முடிவுக்கு வர இயலவில்லை.

நமது உறக்கத்திற்கு காரணமாக மூளையில் சுரக்கும் பீட்டா அமைலேடு என்ற ஹார்மோன் சுரப்பில் ஏற்படும் மாற்றத்தின் காரணமாகவே, நமது உறக்கத்தில் இந்த மாற்றம் நிகழ்வதாகவும். இந்த மாற்றம், நம்மை டிமென்சியா பாதிப்பு ஏற்பட வழிவகுப்பதாக நிபுணர்கள் தெரிவித்து உள்ளனர்.

இளம் வயதினர் 20 பேரிடம், 31 உறக்கமில்லாத நேரங்கள் குறித்து ஆய்வு நடத்தப்பட்டதில், அவர்களது மூளையில், பீட்டா அமைலேடு ஹார்மோனின் அளவு 5 சதவீதம் அளவிற்கு அதிகரிக்கிறது.

​தலைக் காயங்கள் ஏற்படாமல் காப்பீர்

தலையில் காயங்கள் ஏற்பட்டவர்களுக்கு, டிமென்சியா பாதிப்பு ஏற்படுவதற்கான வாய்ப்புகள் மிக அதிகம் ஆகும். குத்துச்சண்டை வீரர்கள், கால்பந்து வீரர்கள் மற்றும் பாதுகாப்பு படை வீரர்களுக்கு தலைக்காயங்கள் ஏற்பட அதிக வாய்ப்புகள் உள்ளன. இவர்கள் மட்டுமல்லாது, வாகனங்களை ஓட்டும்போது தலைக்கு தலைக்கவசம், சீட் பெல்ட் என பாதுகாப்பு அம்சங்களை கட்டாயம் பயன்படுத்த வேண்டும்.

​குறைவான மதுப்பழக்கம்

அதீத மதுப்பழக்கம் கொண்டவர்களுக்கு டிமென்சியா பாதிப்பு மிகவும் அதிகம் ஆகும். அளவாக மது அருந்துபவர்களுக்கு இந்த வாய்ப்பு மிகவும் குறைவாக உள்ளது. ஆண்கள் என்றால், தினசரி 2 கோப்பை அளவுக்கு மதுவும், பெண்கள் என்றால் தினசரி ஒரு கோப்பை மது மட்டுமே பரிந்துரைக்கப்படுகின்றனர்.