கிளிநொச்சியிலிருந்து வவுனியாவிற்கு மோட்டர் சைக்கிளில் கஞ்சா கடத்திய பெண் உட்பட இருவர் இன்று (07.01.2025) ஓமந்தைப் பொலிசாரால் கைது செய்யப்பட்டுள்ளதாக தகவல் வெளியாகியுள்ளது.
வவுனியா, ஓமந்தைப் பொலிசாரின் விசேட சோதனை நடவடிக்கையின் போது, கிளிநொச்சியில் இருந்து வவுனியாவிற்கு செல்லும் மோட்டர் சைக்கிளில் இருந்து 700 கிராம் கஞ்சா பறிமுதல் செய்யப்பட்டது.
அதில் பயணித்த 36 வயதுடைய பெண் ஒருவரும், அவரது சகோதரர் எனக் கூறப்படும் 30 வயதுடைய ஆண் ஒருவரும் கைது செய்யப்பட்டுள்ளனர். அவர்களிடம் இருந்து 2 இலட்சத்து 72 ஆயிரம் ரூபாய் பணமும் மீட்கப்பட்டுள்ளது.
மேலதிக விசாரணைகளின் பின் குறித்த இருவரையும் நீதிமன்றில் முற்படுத்த நடவடிக்கை எடுத்துள்ளதாகவும் ஓமந்தைப் பொலிசார் மேலும் தெரிவித்தனர்.
What’s your Reaction?
+1
+1
+1
+1
+1
+1
+1
