இத்தாலியில், மிருக சாகச குழுவிடம் (circus) இருந்து தப்பிய சிங்கம் வீதியில் உலாவி திரிந்ததால், ஒரு பகுதியே முடங்கியிருந்தது. எனினும், சிங்கம் மணி நேரத்திற்குப் பின் பிடிபட்டது.
ரோம் நகருக்கு அருகே உள்ள லடிஸ்போலி (Ladispoli) என்ற ஊரில், அந்தச் சம்பவம் நடந்தது.
தப்பிய சிங்கம், சில மணி நேரத்திற்குச் சாலையில் திரிந்ததாகக் கூறப்படுகிறது.
உள்ளூர் மக்கள் எடுத்த காணொளியில், அது யாருமில்லா சாலையில் நடப்பது தெரிகிறது.
லாடிஸ்போலியின் மேயர் அலெஸாண்ட்ரோ கிராண்டோ, சிங்கத்தை தேட சேர்க்கஸ் ஊழியர்களுக்கு உள்ளூர் பொலிசார் உதவுகிறார்கள் என்று சமூக ஊடகங்களில் கூறினார்.
“சேர்க்கஸில் இருந்து ஒரு சிங்கம் தப்பியது. தயவுசெய்து முழு கவனம் செலுத்துங்கள். மறு அறிவிப்பு வரும் வரை பயணத்தைத் தவிர்க்கவும்.” கேட்டுக் கொண்டார்.
சிங்கம் தளத்திற்கு அடுத்துள்ள நீர்வழிப்பாதையில் கண்டுபிடிக்கப்பட்டதாகவும் குறிப்பிட்டார். ஆபத்தான உயிருள்ள விலங்குகளுடன் நகரத்திற்குள் ஏன் சேர்க்கஸ் அனுமதிக்கப்படுகிறது என்று கேள்வி எழுப்பிய கோபமான உள்ளூர் மக்களுக்கு அவர் பதிலளிக்க வேண்டியிருந்தது.
சுமார் 5 மணி நேரம் கழித்து, சிங்கத்திற்கு மயக்க ஊசி போடப்பட்டு, அது பிடிக்கப்பட்டது.
சமூக ஊடகங்களில் பகிரப்பட்ட அதிர்ச்சியூட்டும் காட்சிகள் 40,000 க்கும் அதிகமான மக்கள்தொகை கொண்ட நகரத்தை சிங்கம் சுற்றி வருவதைக் காட்டியது.
Ce 11 novembre à Ladispoli près de Rome, un lion s'est échappé d'une cage. Le cirque, c'est souffrances et vie misérable pour les animaux détenus et un danger pour les humains. Les autorités italiennes ne doivent pas lui réserver le sort de Mevy en France. #CirquesSansAnimaux pic.twitter.com/H7K99PTOLB
— One Voice (@onevoiceanimal) November 11, 2023
அதிகாரிகள் மிருகத்தை கண்டுபிடிக்க முயற்சித்ததால் குடியிருப்பாளர்கள் தங்கள் வீடுகளுக்குள் இருக்குமாறு கூறப்பட்டனர். அவசர வாகன விளக்குகள் பின்னணியில் ஒளிரும் ஒரு காரை சிங்கம் சாதாரணமாக நடந்து செல்வதை ஒரு வீடியோ காட்டுகிறது. மற்றொரு கிளிப்பில், சிங்கம் இரவில் தெருவில் நடந்து செல்வதைக் காணலாம்.
இந்தச் சம்பவத்தின் மூலம் சேர்க்கஸ்களில் விலங்குகள் பயன்படுத்தப்படுவது நிறுத்தப்படும் என்று நம்புவதாக மேயர் குறிப்பிட்டார்.
சிங்கங்களைப் பயன்படுத்தும் சர்க்கஸுக்குத் தாம் அனுமதி அளிக்கவில்லை என்று சொன்ன அவர், அதைத் தடுப்பதற்கான அதிகாரமும் தம்மிடம் இல்லை என்று தெரிவித்தார்.
