ஹட்டனிலிருந்து லிந்துலை நோக்கி பயணித்த வாகனம் ஒன்று வீதியை விட்டு விலகி சுமார் 50 அடி பள்ளத்தில் விழுந்ததில் வாகன சாரதியும் உரிமையாளரும் காயமடைந்துள்ளனர்.
காயமடைந்தவர்கள் லிந்துலை பிரதேச வைத்தியசாலையில் அனுமதிக்கப்பட்டதன் பின்னர் மேலதிக சிகிச்சைக்காக நுவரெலியா பொது வைத்தியசாலையில் அனுமதிக்கப்பட்டுள்ளதாக வைத்தியசாலை பேச்சாளர் தெரிவித்தார்.
ஹட்டன் டிக்கோயா நகரில் உள்ள கராஜ் ஒன்றில் வாகனம் பழுது பார்க்கப்பட்டு மீண்டும் லிந்துலை சென்று கொண்டிருந்த போது வாகனம் வீதியை விட்டு விலகி கவிழ்ந்தது.
விபத்து தொடர்பில் விசாரணைகளை மேற்கொண்டு வரும் லிந்துலை பொலிஸ் போக்குவரத்து பிரிவினர், வாகனத்தில் ஏற்பட்ட திடீர் தொழில்நுட்பக் கோளாறே விபத்துக்கு காரணமாக இருக்கலாம் என சந்தேகிக்கின்றனர்.
What’s your Reaction?
+1
+1
+1
+1
+1
+1
+1
