உலக சந்தையில் எரிபொருள் மற்றும் நிலக்கரியின் விலைகள் கடுமையாக வீழ்ச்சியடைந்துள்ள நிலையில், இந்த நாட்டின் மின்சார பாவனைக் கட்டணத்தை சுமார் 25% வரை குறைப்பதற்கான சாத்தியக்கூறுகள் காணப்படுவதாக இலங்கை பொதுப் பயன்பாடுகள் ஆணைக்குழுவின் தலைவர் ஜனக ரத்நாயக்க தெரிவித்துள்ளார்.
மின் பாவனைக்கான கட்டணத்தை குறைப்பதற்கு தேவையான சட்டபூர்வமான நடவடிக்கைகளை எடுத்துள்ளதாக அவர் ஊடகங்களுக்கு தெரிவித்தார்.
கடந்த ஆண்டு ஓகஸ்ட் மற்றும் இந்த ஆண்டு ஜனவரி மாதங்களில் மின் கட்டணம் உயர்த்தப்பட்டதன் மூலம் மின் தேவை 20% குறைந்துள்ளது.
“ஜனவரியில் மின்சாரக் கட்டணத்தை அதிகரிப்பதற்கான அனுமானங்களில் ஒன்று, ஒவ்வொரு ஆண்டும் நாடு எதிர்கொள்ள வேண்டிய வறட்சிக் காலங்களில் தேவையைப் பூர்த்தி செய்ய மின்சாரம் தயாரிப்பதாகும். உயர்தரப் பரீட்சை காலத்தில், 8 GWh மின்சாரம் உற்பத்தி செய்யப்பட்டது, ஆனால் நான் 10 GWh மின்சாரம் கேட்டேன். தற்போது, 13 GWh உற்பத்தி செய்து வருகிறோம். இவை அனைத்தும் அமைச்சகத்தால் செய்யப்படுகின்றன, பொதுமக்களுக்காக அல்ல. இவ்வாறு செயற்படுவதிலிருந்து அரசியல் அதிகாரிகள் என்ன எதிர்பார்க்கிறார்கள் என்று எனக்குத் தெரியவில்லை” என ரத்நாயக்க கூறினார்.
எனினும், நாட்டின் நன்மை கருதி மின் உற்பத்தி தொடர்பான நடவடிக்கைகள் மேற்கொள்ளப்படுவதில்லை.
அண்மைய மின்சாரக் கட்டணம் 35% அதிகரிக்கப்பட்டிருக்க வேண்டும், அதேசமயம் அது 65% அதிகரிக்கப்பட்டுள்ளது.
அதனால், தேவை குறைந்துள்ளது. எரிபொருளின் விலைகள் மிகவும் முன்னதாகவே குறைக்கப்பட்டிருக்க வேண்டும் என்றும் அவர் கூறினார்
