இலங்கையின் வடமேல் மாகாண ஆளுநர் வசந்த கரன்னாகொட மற்றும் அவரது குடும்பத்தினர் நாட்டிற்குள் பிரவேசிக்க தடை விதித்துள்ளதாக அமெரிக்க இராஜாங்கத் திணைக்களம் வியாழக்கிழமை வெளியிட்டுள்ள அறிக்கையில் தெரிவிக்கப்பட்டுள்ளது.
தற்போதைய வடமேல் மாகாண ஆளுனர் வசந்த கரன்னகொட, கடற்படை தளபதியாக பதவி வகித்த காலத்தில் கடுமையான மனித உரிமை மீறல்களில் ஈடுபட்டதன் காரணத்தால், வெளிநாட்டுச் செயற்பாடுகள் மற்றும் தொடர்புடைய நிகழ்ச்சித்திட்டங்கள் ஒதுக்கீட்டுச் சட்டம், 2023 இன் பிரிவு 7031 (c) இன் படி, அமெரிக்காவிற்குள் நுழைய தடைவிதிக்கப்படுவதாக இராஜாங்க செயலகம் விடுத்துள்ள அறிக்கையில் தெரிவிக்கப்பட்டுள்ளது.
“இலங்கை ஆளுநரும் ஓய்வுபெற்ற அட்மிரல் வசந்த கரன்னாகொடவை மனித உரிமை மீறல்களுக்காக அமெரிக்காவிற்குள் நுழைய தடைவிதிக்கப்பட்டவர்கள் பட்டியலில் இணைத்துள்ளது. இலங்கை உள்நாட்டுப் போரில் பாதிக்கப்பட்டவர்களுக்காக அமெரிக்கா தொடர்ந்து உண்மையையும் நீதியையும் தேடுகிறது” என்று இராஜாங்க செயலாளர் ஆண்டனி பிளிங்கன் ருவீட் செய்துள்ளார்.
“இன்றைய நடவடிக்கையின் விளைவாக, கரன்னாகொட மற்றும் அவரது மனைவி ஸ்ரீமதி அசோக கரன்னாகொட ஆகியோர் அமெரிக்காவுக்குள் நுழைவதற்குத் தகுதியற்றவர்கள்” என்று அந்த அறிக்கையில் மேலும் தெரிவிக்கப்பட்டுள்ளது.
அமெரிக்க இராஜாங்கத் திணைக்களம் வெளியிட்டுள்ள அறிக்கையில், “வசந்த கரன்னாகொட ஒரு மனித உரிமை மீறலைச் செய்தார் என்ற குற்றச்சாட்டு, அரச சார்பற்ற நிறுவனங்கள் மற்றும் சுயாதீன விசாரணைகளால் ஆவணப்படுத்தப்பட்டுள்ளது, இது தீவிரமானது மற்றும் நம்பகமானது.”
வசந்த கரன்னாகொடவை தடைசெய்வததன் மூலம், மனித உரிமைகளை நிலைநிறுத்துவதற்கும், மனித உரிமைகளை மீறுபவர்களுக்கு தண்டனையிலிருந்து விலக்களிப்பதற்கும், பாதிக்கப்பட்டவர்கள் மற்றும் தப்பிப்பிழைத்தவர்களின் துன்பங்களை ஒப்புக்கொள்வதற்கும், இலங்கையில் குற்றவாளிகளுக்கு பொறுப்புக்கூறலை ஊக்குவிப்பதற்கும் அமெரிக்கா தனது அர்ப்பணிப்பை மீண்டும் உறுதிப்படுத்துகிறது.
அமெரிக்காவிற்கும் இலங்கை அரசாங்கத்திற்கும் இடையிலான இருதரப்பு உறவு 75 வருட பகிரப்பட்ட வரலாறு, மதிப்புகள் மற்றும் சுதந்திரமான மற்றும் திறந்த இந்தோ-பசிபிக்க்கான அர்ப்பணிப்பு ஆகியவற்றின் அடிப்படையிலானது.
“எமது இருதரப்பு உறவை நாம் தொடர்ந்து கட்டியெழுப்பும்போது, இலங்கை அரசாங்கத்துடன் இணைந்து நீதி, பொறுப்புக்கூறல் மற்றும் நல்லிணக்கத்தை முன்னெடுத்துச் செல்வதில் உறுதிபூண்டுள்ளோம். வளர்ந்து வரும் பாதுகாப்புக் கவலைகளை சரியாக நிவர்த்தி செய்யுங்கள்” என்று அந்த அறிக்கையில் கூறப்பட்டுள்ளது.
