இப்படியான வெயிலின் தாக்கத்தை வெல்ல அல்லது சமாளிக்க ஒரு ஏர் கூலரை வாங்கும் யோசனை உங்களுக்குள் இருந்தால், அதை செய்யும் முன்னர் நீங்கள் தெரிந்துகொள்ள வேண்டிய 10 முக்கியமான மேட்டர்கள் உள்ளன.
இதையெல்லாம் தெரிந்து கொள்ளாமல் கண்களை மூடிக்கொண்டு, ஆபரில் கிடைத்த ஏர் கூலரை வாங்கினால், உங்கள் பணம் வீணாய் போவதற்கு – வாய்ப்புகள் அதிகம்.
ஒரு ஏர் கூலரை வாங்கும் முன் அப்படி எதைத்தான் தெரிந்துகொள்ள வேண்டும்!
01. உங்களுக்கு எந்த வகையான கூலர் தேவை என்பதை சரியாக தேர்ந்தெடுப்பது மிகவும் முக்கியம். சிறிய மற்றும் நடுத்தர அளவிலான அறைகளுக்கு, தனிப்பட்ட கூலர்களைத் தேர்வுசெய்க. பெரிய அறைகளுக்கு, டெசர்ட் கூலர்கள் ஒரு சிறந்த தேர்வாக இருக்கலாம்:அதாவது 150 சதுர அடி முதல் 300 சதுர அடி வரையிலான அறை என்றால் – தனிப்பட்ட கூலர்கள்; 300 சதுர அடிக்கு மேல் என்றால் – டெசர்ட் கூலர்கள்.
02. ஏர் கூலர்களின் திறனுக்கு வாட்டர் டேங்க் கேப்பாசிட்டி ஒரு முக்கிய காரணியாகும். இங்கே நாம் செய்யப்போகும் கணக்கு மிகவும் எளிதானது: அதிக குளிர்ச்சி தேவை என்றால் நீர் தொட்டியின் அளவு பெரியதாக இருக்க வேண்டும்.
03. நீங்கள் அறைக்கு வெளியே அல்லது உங்கள் கொல்லைப்புறத்தில் அல்லது மொட்டை மாடியில் கூலரை வைக்க விரும்பினால் டெசர்ட் கூலர்களை வாங்கவும். உட்புற பயன்பாடுகளுக்கு, தனிப்பட்ட அல்லது டவர் கூலர்கள் மிகவும் பொருத்தமானவை.
04. மிகவும் வறண்ட கால நிலைகளில் டெசர்ட் கூலர்கள் மிகவும் பயனுள்ளதாக இருக்கும். ஈரப்பதமான பகுதிகளுக்கு, தனிப்பட்ட / டவர் கூலர்கள் பொதுவாக மிகவும் பயனுள்ளதாக இருக்கும்
05. சில கூலர்கள் மிகவும் சத்தமாக இருக்கும். எனவே, வாங்குவதற்கு முன் கூலரின் இரைச்சல் அளவை சரிபார்க்க வேண்டியது அவசியம். முடிந்த வரை, அதிகபட்ச விசிறி வேகத்தில் எந்த அளவிற்கு சத்தம் வருகிறது என்று சரிபார்க்கவும்.
06. கூலரை Refiling செய்வது ஒரு சிக்கலான பணியாகும். எனவே ஆட்டோஃபில் செயல்பாட்டை வழங்கும் கூலர்களைத் தேர்வுசெய்க. அவை நிர்வகிக்க எளிதானது மட்டுமல்லாமல், சிறந்த மற்றும் திறமையான கூலருக்கான முக்கிய பண்பும் ஆகும். மேலும், ஆட்டோ ஃபில் அம்சம் டேங்க்-ஐ முழுமையாக உலரவிடாமல் தடுக்கும், எனவே அது மோட்டார் சேதமடைவதையும் தடுக்கும்.
07. Cooling pads கூலரின் மிக முக்கியமான பகுதிகளில் ஒன்றாகும். கூலர்களுக்கு பல்வேறு வகையான கூலிங் பேட்கள் உள்ளன. அவைகளில் wool wood, aspen pads மற்றும் honeycomb pads ஆகியவைகள் மிகவும் பொதுவானவை. Honeycomb கூலிங் பேட்கள் மற்ற இரண்டையும் விட சிறந்தவை, ஏனெனில் அவை நீண்ட கால கூலிங்கை வழங்குகின்றன, மேலும் அவைகளுக்கு மிகவும் குறைந்த அளவிலான பராமரிப்பே தேவைப்படும்.
08. வேகமான கூலிங்கிற்கு, சில உற்பத்தியாளர்கள் கூலர்களுக்கு ஒரு பிரத்யேக ஐஸ் சேம்பரை சேர்ப்பார்கள். நீங்கள் வாங்கும் கூலரில் அது இருப்பினும் தொட்டியில் உள்ள தண்ணீரை விரைவாக குளிர்விக்க நீங்கள் அதில் ஐஸ் க்யூப்களை சேர்க்கலாம்.
09. கூலரின் பவர் செயல்திறனை கவனிக்க தவற வேண்டாம். வழக்கமாக, நவீன கூலர்கள் இன்வெர்ட்டர் தொழில்நுட்பத்துடன் வருகின்றன, அவை மின்வெட்டு ஏற்பட்டால் இன்வெர்ட்டர்களில் கூட இயக்க அனுமதிக்கின்றன.
10. கூலர்கள் இப்போதெல்லாம் ரிமோட் கண்ட்ரோல், கொசு எதிர்ப்பு, டஸ்ட் ஃபில்டர் போன்ற கூடுதல் அம்சங்களையும் வழங்குகின்றன. உங்கள் பட்ஜெட் ஒரு தடை இல்லை என்றால் அவற்றில் ஒன்றை வாங்குங்கள்.
