சேந்தாங்குளத்தில் இருந்து பாடசாலை மாணவர்களை ஏற்றிச்சென்ற இ.போ.ச பேருந்து பழுதடைந்ததால், யாழ் நகரிலுள்ள பாடசாலைகளுக்கு சென்ற பல மாணவர்கள் பாதி வழியிலேயே வீடு திரும்ப வேண்டிய அவல நிலை ஏற்பட்டுள்ளது.
சேந்தாங்குளத்திலிருந்து இன்று (8) காலை பாடசாலை மாணவர்களை ஏற்றிச்சென்ற இலங்கை போக்குவரத்துசபைக்கு சொந்தமான பேருந்து, இளவாலை சந்திக்கு அண்மையாக பழுதடைந்துள்ளது.
இதனால், யாழ் நகரிலுள்ள பாடசாலைகளில் கல்வி பயிலும் மாணவர்கள் பாடசாலை செல்ல முடியாத நிலையேற்பட்டுள்ளது. மாற்று ஏற்பாடுகள் இல்லாததால் மாணவர்கள் வீடு திரும்ப வேண்டியேற்பட்டுள்ளதாக பெற்றோர் விசனம் தெரிவித்தனர்.
பாடசாலை சேவையில் ஈடுபடும் இந்த பேருந்து மிக பழுதடைந்த, பழைய பேருந்து என்றும் பெற்றோர் தெரிவித்தனர்.
