இலங்கை ரூபாயின் பெறுமதி இன்று (22) அமெரிக்க டாலருக்கு எதிராக கடந்த வெள்ளிக்கிழமையுடன் ஒப்பிடுகையில் சற்றளவு வீழ்ச்சியடைந்துள்ளது. இதன்படி, டாலரின் விற்பனை விலை ரூ.339 ஆக உயர்ந்துள்ளது.
இலங்கை மத்திய வங்கியின் தகவலின்படி, அமெரிக்க டாலரின் கொள்முதல் விலை ரூ.328.85 இலிருந்து ரூ.329.30 ஆக உயர்ந்துள்ளதுடன், விற்பனை விலை ரூ.338.70 இலிருந்து ரூ.339.06 ஆக அதிகரித்துள்ளது.
அதேவேளை, இலங்கை ரூபாய் அவுஸ்திரேலிய டாலர், கனடிய டாலர், யூரோ, பிரிட்டிஷ் பவுண்ட் மற்றும் சுவிஸ் ஃப்ராங்க் உள்ளிட்ட பல முக்கிய வெளிநாட்டு நாணயங்களுக்கும் எதிராகவும் பலவீனமடைந்துள்ளது.
