கொழும்பில் நடந்த இரு வேறு துப்பாக்கிச் சூடு சம்பவங்கள் தொடர்பாக இரண்டு சந்தேக நபர்களை பொலிசார் கைது செய்துள்ளனர்.
ஓகஸ்ட் 24 ஆம் திகதி பொரலஸ்கமுவ, மாலனி புளத்சிங்கள மாவத்தையில் ஒருவர் சுட்டுக் கொல்லப்பட்ட சம்பவம் தொடர்பாக, தெஹிவளை, அத்திடியவில் 22 வயது முச்சக்கர வண்டி ஓட்டுநரை மேற்கு மாகாண தெற்கு குற்றப்பிரிவு கைது செய்தது. களுபோவிலைச் சேர்ந்த சந்தேக நபர், தாக்குதலில் பயன்படுத்தப்பட்ட முச்சக்கர வண்டியை ஓட்டிச் சென்றது விசாரணையில் தெரியவந்ததை அடுத்து, செப்டம்பர் 10 ஆம் திகதி கைது செய்யப்பட்டதாக பொலிசார் தெரிவித்தனர்.
மற்றொரு சம்பவத்தில், விசேட அதிரப்படைபுலனாய்வுப் பிரிவினர், ராகமவில் உள்ள லிண்டன் மைதானத்திற்கு அருகில் 17 வயது சிறுவனை கைது செய்தனர். ஓகஸ்ட் 22 ஆம் திகதி பொரல்ல சீவாலியாபுர துப்பாக்கிச் சூட்டுக்கு சந்தேக நபர் உதவியதாகவும், அவர் ஒரு ஒழுங்கமைக்கப்பட்ட குற்றம் மற்றும் போதைப்பொருள் கடத்தல் வலையமைப்புடன் தொடர்புடையவர் என்றும் பொலிசார் தெரிவித்தனர். விசாரணைக்காக அவர் ராகம பொலிசாரிடம் ஒப்படைக்கப்பட்டார்.
