தாயின் கள்ளத்தொடர்பு காரணமாக 13 வயது சிறுமி ஒருவர் உயிரிழந்த சம்பவம் ஒன்று பிலியந்தலை பிரதேசத்தில் பதிவாகியுள்ளது.
கடந்த வியாழக் கிழமை (26) பிற்பகல் 1 மணியளவில் தாய்க்கும் கள்ளக்காதலனுக்கும் இடையில் ஏற்பட்ட இடம்பெற்ற வாக்குவாதத்தில் 13 வயது சிறுமி ஒருவர் பரிதாபமாக உயிரிழந்துள்ளார்.
பிலியந்தலை போகுந்தர பிரதேசத்தில் இரண்டு மாடி வீடொன்றின் மேல் மாடியில் வசித்து வந்த இரண்டு பெண் பிள்ளைகளைக் கொண்ட குடும்பத்தில் இளையவரான சிறுமியே உயிரிழந்துள்ளார்.
இவர் பிலியந்தலை ஆனந்த சமரக்கோன் கல்லூரியில் 8ஆம் தரத்தில் கல்வி கற்கும் சிறுமி, சம்பவ தினம் அன்று தனது தாய் மற்றும் 15 வயது மூத்த சகோதரியுடன் வீட்டில் இருந்ததாகவும், அப்போது தாயின் கள்ளக்காதலன் வீட்டிற்கு வந்துள்ளதாகவும் பொலிஸார் தெரிவித்தனர்.
குறித்த பெண்ணுடன் ஒரே நிறுவனத்தில் குறித்த நபர் பணிபுரிவதாக பொலிஸார் தெரிவித்தனர்.
அவ்வாறு வந்த நபர் வீட்டில் இருந்த பெண்ணுக்கு வேறு ஒருவருடன் கள்ளத் தொடர்பு இருப்பதாக குறிப்பிட்டுள்ள நிலையில் இருவருக்கும் இடையே வாக்குவாதம் ஏற்பட்டுள்ளதை தொடர்ந்து, குறித்த நபர் அந்த பெண்ணை கத்தியால் பல தடவைகள் குத்தியுள்ள நிலையில், தாயை காப்பாற்ற குறித்த இரண்டு சிறுமிகளும் குறுக்கிட்டு அதனை தடுத்துள்ளனர்.
இதன்போது சந்தேக நபர் அவர்களையும் கத்தியால் தாக்கியதாகவும் பொலிஸார் தெரிவித்தனர். பின்னர், சந்தேக நபர் தூக்கிட்டு தற்கொலை செய்ய முயன்றுள்ள போதும், அதற்கு பயன்படுத்தப்பட்ட கயிறு அறுந்தததால் அந்த முயற்சி தோல்வியில் முடியவே தான் பொலிஸில் சரணடைவதாக கூறி வெளியேறியுள்ளார்.
காயமடைந்த தாய் மற்றும் இரண்டு மகள்கள் தாய் பணிபுரிந்த அதே நிறுவனத்தின் ஊழியர் ஒருவரால் வெரஹெர இராணுவ வைத்தியசாலையில் அனுமதிக்கப்பட்ட பின்னர் ஆபத்தான நிலையில் இருந்த 13 வயதான சிறுமி உயிரிழந்துள்ளார்.
பொலிஸில் சரணடைவதாகக் கூறிவிட்டு தப்பிச் சென்ற சந்தேக நபர் தற்போது தலைமறைவாகியுள்ள நிலையில், அவரைக் தேடி கல்கிஸ்ஸ குற்றப் புலனாய்வுப் பிரிவினர் விசாரணைகளை ஆரம்பித்துள்ளனர். இதுவரை மேற்கொள்ளப்பட்ட விசாரணைகளில், குறித்த சந்தேக நபர் சில வருடங்களுக்கு முன்னர் மஹாஓயா பிரதேசத்தில் இடம்பெற்ற கொலைச் சம்பவம் தொடர்பில் சந்தேகநபராக பெயரிடப்பட்டவர் என்பதும் தெரியவந்துள்ளது.
