சர்வதேச நாணய நிதியத்துடனான கலந்துரையாடல்களை தொடர்ந்து,
உழைக்கும்போது செலுத்தும் வரிக்கான விலக்கை ரூ.150,000 ஆக உயர்த்தியுள்ளதாக ஜனாதிபதி அனுரகுமார திசாநாயக்க அறிவித்துள்ளார்.
இன்று ழூ18) பாராளுமன்றில் ஜனாதிபதி ஆற்றிய உரையின் போது இதனை தெரிவித்தார்.
“நாங்கள் மூன்றாவது மதிப்பாய்வைத் தொடங்கியபோது, எங்கள் முன்மொழிவுகள் தொழில் வல்லுநர்களுக்கு விதிக்கப்பட்ட வருமான வரி பற்றியது.
மீண்டும் பேச்சுவார்த்தையை தொடங்கினோம். வரி வரம்பு ஒரு இலட்சத்திற்கு மேல் காணப்பட்டது. எங்களால் அதை 150,000 ஆக உயர்த்த முடிந்தது.
மேலும், தனிநபர் வருமான வரியின் 1ஆவது வகையின் திருத்தத்தை 500,000 முதல் 10 இலட்சம் ரூபா வரையில் 6% வரிக்கு உட்பட்டதாக மாற்ற முடிந்தது.
அதன்படி, மாதம் 150,000 ரூபா சம்பளம் பெறுபவர் 100% வரி விலக்கு. 200,000 சம்பாதிக்கும் நபருக்கு 71% வரியிலிருந்து விலக்கு அளிக்கப்படுகிறது.
250,000 ரூபா சம்பளம் பெறுபவருக்கு 61% வரியிலிருந்து விலக்கு அளிக்கப்படும்.
300,000 ரூபா சம்பளம் பெறுபவருக்கு 47% வரியிலிருந்து விலக்கு அளிக்கப்படும்.
350,000 ரூபா சம்பளம் பெறுபவருக்கு 25.5% வரியிலிருந்து விலக்கு அளிக்கப்படும்.
அதிக வருமானம் பெறுபவர்களுக்கு குறைந்த நிவாரணம் மற்றும் குறைந்த வருமானம் பெறுபவர்களுக்கு அதிக நிவாரணம் என நாம் உழைக்கும் போது செலுத்தும் வரி திருத்தத்தில் வெற்றி பெற்றோம்.” என்றார்.
2028 ஆம் ஆண்டு கடனை திருப்பிச் செலுத்தும் நடவடிக்கைகள் மீண்டும் தொடங்கும் போது இலங்கை திவால் நிலையை எதிர்கொள்ளும் என்ற கூற்றை ஜனாதிபதி அனுரகுமார திஸாநாயக்க நிராகரித்தார்.
2021 மற்றும் 2022 ஆம் ஆண்டுகளில் ஏற்பட்ட பொருளாதார நெருக்கடி மீண்டும் ஏற்படாமல் தடுப்பதற்கு தமது நிர்வாகம் நடவடிக்கை எடுத்து வருவதாக உறுதியளித்தார்.
2028 இல் கூட, எமது அரசாங்கம் ஆட்சியில் இருக்கும் என்பதை நினைவில் கொள்ளுங்கள், மேலும் 2021 மற்றும் 2022 போன்ற ஒரு காலகட்டத்தை மீண்டும் ஏற்படுவதற்கு ஒருபோதும் இடமளிக்க மாட்டோம் என ஜனாதிபதி திஸாநாயக்க குறிப்பிட்டார்.
கடன் மறுசீரமைப்பில் சமீபத்திய முன்னேற்றத்தை ஜனாதிபதி எடுத்துக்காட்டினார், 12.55 பில்லியன் அமெரிக்க டொலர் கடனில், 1.7 பில்லியன் அமெரிக்க டொலர்கள் கடனை திருப்பிச் செலுத்தாமல், மறுகட்டமைக்கப்பட்டதாகக் கூறினார்.
மறுசீரமைக்கப்பட்ட கடனில் 11.55 பில்லியன் அமெரிக்க டொலர்கள் 2015 மற்றும் 2019 க்கு இடையில் எடுக்கப்பட்ட கடன்களிலிருந்து உருவானது என்றும் அவர் குறிப்பிட்டார்.
“அந்த நேரத்தில் இந்த அறிவுரை வழங்கப்பட்டிருந்தால், நாங்கள் திவால்நிலையை எதிர்கொண்டிருக்க முடியாது. எனவே, இந்த அறிவுரை மிகவும் தாமதமாக வருகிறது, ”என்று அவர் குறிப்பிட்டார்
