மேன்முறையீட்டு நீதிமன்ற நீதிபதிகள் தொடர்பில் தவறான செய்திகளை தனது இணையத்தளத்தில் வெளியிட்டு நீதிமன்றத்தை அவமதித்த குற்றச்சாட்டில் இணைய ஊடகவியலாளரான டெஸ்மண்ட் சதுரங்க டி அல்விஸ் குற்றவாளி என மேன்முறையீட்டு நீதிமன்றம் நேற்று தீர்ப்பளித்தது.
மேன்முறையீட்டு நீதிமன்ற நீதிபதிகள் மீது ஆதாரமற்ற குற்றச்சாட்டுகளை முன்வைத்த தொடர்புடைய செய்திகளை வெளியிடுவது தொடர்பான மனு மீதான விசாரணையின்போதே இவ்வாறு அறிவிக்கப்பட்டுள்ளது. ஏப்ரல் 30, 2020 அன்று lankanewsweb.org இணையத்தளத்தில் இந்தப் பிரதிவாதி பதிவேற்றிய கட்டுரையில் மேன்முறையீட்டு நீதிமன்ற நீதிபதிகளுக்கு எதிரான ஆதாரமற்ற குற்றச்சாட்டுகள் தொடர்பாக இந்த மனு தாக்கல் செய்யப்பட்டது.
அந்த மனு தொடர்பாக சட்டமா அதிபர் ஒரு குற்றப்பத்திரிக்கை தாக்கல் செய்திருந்தார், அவர் அரசியலமைப்பின் 105 (3) வது பிரிவின்படி நீதிமன்றத்தை அவமதிக்கும் குற்றத்தைச் செய்ததாகக் குற்றம் சாட்டினார்.
இது தொடர்பான மனு விசாரணையின் போது, குற்றம் சாட்டப்பட்டவர் நீதிமன்றத்தை தவிர்த்து, தற்போது வெளிநாட்டில் இருப்பது தெரியவந்தது.
இதன்படி, குற்றம் சாட்டப்பட்டவர் இல்லாமலேயே இந்த மனு விசாரிக்கப்பட்டு, நீண்ட விசாரணைக்குப் பிறகு, அவர் மீது அரசுத் தரப்பு சுமத்தப்பட்ட குற்றச்சாட்டுகள் சந்தேகத்திற்கு இடமின்றி நிரூபிக்கப்பட்டுள்ளதாக பெஞ்ச் முடிவு செய்தது.
இந்த மனு மீதான விசாரணை பிரதிவாதி இல்லாமல் நடைபெற்றது.
