அழகு நிலையத்தில் பயன்படுத்திய தைலத்தினால் பெண்ணின் தலைமுடி உதிர்ந்த சம்பவம் தொடர்பில் நீதிமன்றத்தையும் பொலிஸாரையும் தவிர்த்த அழகு நிலைய ஊழியர் ஒருவர் நேற்று (13) மினுவாங்கொடை பொலிஸில் சரணடைந்துள்ளனர். அழகு நிலைய உரிமையாளரும், மற்றொரு பணிப்பெண்ணும் தொடர்ந்து தலைமறைவாக உள்ளனர்.
சரணடைந்த ஊழியரான யுவதியை நீதிமன்றத்தில் ஆஜர்படுத்திய பின்னர் எதிர்வரும் 18ஆம் திகதி வரை விளக்கமறியலில் வைக்குமாறு மினுவாங்கொடை பதில் நீதவான் நேற்று (13) உத்தரவிட்டுள்ளார்.
மினுவாங்கொட கலவான இலக்கம் 14/ஏ. அங்கு வசிக்கும் சந்துனி ஹன்சிகா பியூமாலி (22) என்ற அழகு நிலைய ஊழியரே இவ்வாறு விளக்கமறியலில் வைக்கப்பட்டுள்ளார்.
நீதிமன்றில் உண்மைகளை முன்வைத்த பொலிஸார், அழகு நிலையத்தின் உரிமையாளரும் மற்றொரு பணியாளரும் நீதிமன்ற உத்தரவை உதாசீனம் செய்து தலைமறைவாக உள்ளதாகவும், வெளிநாடு செல்ல தடை உத்தரவு பிறப்பிக்குமாறும் தொலைபேசி பகுப்பாய்வு அறிக்கைகளை பெற்றுக்கொள்ளுமாறும் கோரியுள்ளனர். உண்மைகளை கருத்திற்கொண்ட பதில் நீதவான், சலூன் உரிமையாளர் மற்றும் ஏனைய ஊழியர் வெளிநாடு செல்வதைத் தடைசெய்து உத்தரவு பிறப்பித்ததுடன், இருவரது தொலைபேசி பகுப்பாய்வு அறிக்கைகளையும் பெற்றுக்கொள்ளுமாறும் பொலிஸாருக்கு உத்தரவிட்டார்.
இதன்போது, பாதிக்கப்பட்ட மனுதாரர் சார்பில் ஆஜரான சட்டத்தரணிகள், மனுதாரரின் தலைமுடிக்கு சிகிச்சை அளிக்க பயன்படுத்தப்படும் அழகுசாதனப் பொருட்கள் மற்றும் ஏனைய பொருட்களை அரசாங்க சுவையாளருக்கு அனுப்பிவைக்க உத்தரவிடுமாறும் நீதிமன்றத்திடம் கோரினர்.
