2019 ஈஸ்டர் ஞாயிறு பயங்கரவாதத் தாக்குதலில் வெளிநாட்டுத் தலையீடுகள் எதுவும் இல்லை என அமெரிக்காவின் எஃப்.பி.ஐ பிரிவு நிராகரித்துள்ளதாக இலங்கை ஜனாதிபதி ரணில் விக்கிரமசிங்க தெரிவித்துள்ளார்.
ஜேர்மன் மீடியா, Deutsche Welle உடனான பிரத்யேக நேர்காணலின் போது, ஜனாதிபதி அமெரிக்க பெடரல் பீரோ ஒஃப் இன்வெஸ்டிகேஷன் (எஃப்.பி.ஐ) தனது அறிக்கையில் வெளி ஈடுபாட்டை நிராகரித்துள்ளது, இது வெளிநாட்டு கூறுகளின் ஈடுபாடு இல்லாமல் உள் விவகாரமாக இருக்கலாம் என்று குறிப்பிட்டார்.
“எங்களிடம் FBI இருந்தது, எங்களிடம் பிரிட்டிஷ் பொலிஸ், அவஸ்திரேலியர்கள், இந்தியர்கள், சீனர்கள் மற்றும் பாகிஸ்தானியர்கள் இருந்தனர். அந்த இரகசியப் பிரிவினர் அறிக்கை கொடுத்திருந்தால், இந்தக் குற்றச்சாட்டுகள் என்ன” என்று அவர் கேள்வி எழுப்பினார்.
இலங்கை அரசாங்கத்திற்கு சர்வதேச விசாரணைகள் கிடையாது எனவும் ஜனாதிபதி மேலும் வலியுறுத்தினார்.
“ஒரு சிலர் சர்வதேச விசாரணைக்கு அழைப்பு விடுத்திருக்கலாம், ஆனால் பாராளுமன்றம் அத்தகைய விசாரணையை கோரவில்லை. இலங்கை தனது சொந்த நபர்களைப் பயன்படுத்தி தனது சொந்த விசாரணைகளை நடத்துகிறது, ”என்று அவர் கூறினார்.
நேர்காணல் செய்பவருடனான சூடான வார்த்தைப் பரிமாற்றத்தில், தேசம் தொடர்பான எந்தவொரு பிரச்சினையிலும் இலங்கைக்கு சர்வதேச விசாரணைகள் இருக்காது, ஐரோப்பிய நாடுகள் அத்தகைய விசாரணைகளை நடத்தியுள்ளனவா?, இலங்கையும் ஐரோப்பிய நாடுகளுக்கு இணையானது என்றார்.
ஈஸ்டர் தாக்குதல்கள் தொடர்பான ஆணைக்குழுக்கள் தொடர்பில் நடவடிக்கை எடுக்கப்பட்டுள்ளதாக தெரிவித்த ஜனாதிபதி, அரசினால் நடவடிக்கை எடுக்கப்பட்ட ஆணைக்குழுக்கள் இருப்பதாகவும், இன்னும் சில ஆணைக்குழுக்கள் மீது நடவடிக்கை எடுக்கப்படாமல் உள்ளதையும் ஒப்புக்கொண்டார்.
இலங்கையில் அதிகார துஷ்பிரயோகம் மற்றும் மனித உரிமை மீறல்கள் இடம்பெற்றதாகக் கூறப்படும் ஐக்கிய நாடுகளின் மனித உரிமைகள் ஆணைக்குழுவின் அண்மைய அறிக்கை தொடர்பில் கருத்து தெரிவித்த ஜனாதிபதி ரணில் விக்கிரமசிங்க, அந்த அறிக்கையை தமது அரசாங்கம் நிராகரிப்பதாக தெரிவித்தார்.
“இலங்கை அரசாங்கம் அறிக்கையை நிராகரித்துவிட்டது, அந்த அறிக்கையை நான் ஏற்கவில்லை. UNHRC அறிக்கை தவறானது,” என்று அவர் மீண்டும் கூறினார்.
புதிதாக நியமிக்கப்பட்டுள்ள உண்மை மற்றும் நல்லிணக்க ஆணைக்குழு மற்றும் மனித உரிமை மீறல்கள் தொடர்பில் இலங்கைக்கு அழுத்தம் கொடுக்க அமெரிக்க அரசாங்கம் வற்புறுத்துவது தொடர்பில் வினவிய போது, ஐக்கிய நாடுகள் சபையின் உறுப்பு நாடுகளுடன் இணக்கப்பாட்டின் பேரிலேயே உண்மை மற்றும் நல்லிணக்கத்திற்கான புதிய ஜனாதிபதி ஆணைக்குழு ஸ்தாபிக்கப்பட்டுள்ளதாக ஜனாதிபதி தெரிவித்தார்.
“தற்போது கட்சிகளுடனும் இலங்கை அரசாங்கத்துடனும் கலந்துரையாடல்கள் நடந்து வருகின்றன. நாங்கள் மேற்கத்திய அரசாங்கங்களுடனும் ஈடுபட்டுள்ளோம். உண்மை மற்றும் நல்லிணக்க சட்டமூலம் இந்த ஆண்டு இறுதிக்குள் பாராளுமன்றத்திற்கு வரும்” என்று அவர் கூறினார்.
ஜனாதிபதி ரணில் விக்கிரமசிங்க, ஆட்சியை பொறுப்பேற்றதன் பின்னர் எந்தவிதமான அசம்பாவிதங்களும் இடம்பெறவில்லை எனவும் தெரிவித்தார்.
