காங்கேசன்துறை சீமெந்து தொழிற்சாலையில் கடந்த 02 ஆம் திகதிக்குள் 22 மில்லியன் இரும்பு திருடப்பட்டமைக்கு இராஜாங்க அமைச்சர் சாமர சம்பத் பொறுப்பேற்க வேண்டும் என இலங்கை சீமெந்து கூட்டுத்தாபனத்தின் முன்னாள் தலைவரான சட்டத்தரணி காமினி ஏகநாயக்க நேற்று (09) குற்றப் புலனாய்வு திணைக்களத்தில் முறைப்பாடு செய்துள்ளார்.
இது குறித்து உடனடியாக விசாரணையை ஆரம்பிக்க வேண்டும் என கேட்டுள்ளார்.
முறைப்பாட்டை முன்வைத்த அவர், சீமெந்து தொழிற்சாலை வளாகத்திலிருந்த பலகோடி ரூபாய் பெறுமதியான இரும்பின் அளவு குறித்து தொழில்நுட்பக் குழு மதிப்பீடு செய்ததாகக் கூறியிருந்தார்.
தொழிற்சாலையை புனரமைப்பதற்கான அமைச்சரவைத் தீர்மானத்தின் பிரகாரம் இந்த காணியில் பழைய இரும்புகளை விற்பனை செய்வதற்கான தீர்மானத்தை டெண்டர் நடைமுறைக்கு அமுல்படுத்துவதற்கான அனைத்து நடவடிக்கைகளையும் மேற்கொண்டுள்ளதாக தெரிவித்தார்.
ஆனால் அமைச்சரவை தீர்மானத்தை அமுல்படுத்தாமல் இராஜாங்க அமைச்சர் சாமர சம்பத் முதலில் தொழிற்சாலை வளாகத்தில் பாதுகாப்புக்கு இருந்த இராணுவத்தை அகற்றி குறைந்த எண்ணிக்கையில் மாத்திரம் விட்டு தொழிற்சாலை வளாகத்தை பாதுகாப்பற்றதாக்கியுள்ளார்.
இத்தொழிற்சாலைக்கு பதுளையில் இருந்து கொண்டு வரப்பட்ட ஏழு பேரை ஆட்சேர்ப்பு செய்ததற்கும், இராணுவம் வெளியேற்றப்பட்டு அப்பகுதி பாதுகாப்பற்றதாக மாற்றப்பட்ட இரண்டு மாதங்களில் 22 மில்லியன் இரும்பு திருடப்பட்டதற்கும் இடையே தெளிவான தொடர்பு இருப்பதாகவும் அவர் சுட்டிக்காட்டினார்.
எனவே, இந்த இரும்புத் திருட்டு குறித்து முறையான விசாரணை நடத்துமாறு குற்றப் புலனாய்வுப் பிரிவினரிடம் முன்னாள் தலைவர் புகார் அளித்துள்ளார்.
இரும்பு திருட்டு குற்றச்சாட்டு தொடர்பில் பாராளுமன்றத்தில் வெளியிடப்பட்ட தகவல் ஒன்றின் பிரகாரம், ஆத்திரமடைந்த இராஜாங்க அமைச்சர் சாமர சம்பத், தன்னை கேள்வியெழுப்பிய நாடாளுமன்ற உறுப்பினரையும், காங்கசந்துறை சீமெந்து தொழிற்சாலையின் முன்னாள் தலைவர் சட்டத்தரணி காமினி ஏகநாயக்கவையும் நேற்று திட்டியுள்ளார்.
