பொலிஸ் அவசர அழைப்புப் பிரிவுக்கு (119) பொய்யான மற்றும் தவறான தகவல்களை வழங்குபவர்களுக்கு எதிராக சட்டம் கடுமையாக அமுல்படுத்தப்படும் என பொலிஸார் தெரிவித்துள்ளனர்.
அத்தகைய குற்றத்தில் குற்றவாளி என்று நிரூபிக்கப்பட்ட ஒரு நபருக்கு 6 மாதங்கள் வரை சிறைத்தண்டனை அல்லது அபராதம் அல்லது இரண்டும் விதிக்கப்படும் என்று சட்ட விதிகள் இருப்பதாக பொலிஸ் திணைக்களம் தெரிவிக்கிறது.
அவசர அழைப்பு பிரிவுக்கு நாள் ஒன்றுக்கு 3000 முதல் 3500 செய்திகள் வருவதாக பொலிஸ் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.
நாளாந்தம் வரும் செய்திகளை ஆய்வு செய்யும் போது, பொதுமக்கள் 119 என்ற தொலைபேசி இலக்கத்தை பயன்படுத்தி தவறான தகவல்கள் அடங்கிய செய்திகளை அனுப்புவது அவதானிக்கப்பட்டுள்ளது.
இதன் விளைவாக, மிகவும் முக்கியமான மற்றும் அவசரமாக செயலாக்கப்பட வேண்டிய தொலைபேசி செய்திகளை செயலாக்குவதில் சில இடையூறுகள் அல்லது தாமதங்கள் ஏற்படக்கூடும் என்று பொலிஸ் திணைக்களம் சுட்டிக்காட்டுகிறது.
எனவே, இந்த எண்ணை தவறாக பயன்படுத்த வேண்டாம் என்றும், உடனடியாக நடவடிக்கை எடுக்க வேண்டிய சம்பவங்கள் குறித்தும், முன்னுரிமை மற்றும் தேவையான தகவல்களை வழங்க மட்டுமே பயன்படுத்த வேண்டும் என்றும் பொலிஸ் திணைக்களம் பொதுமக்களுக்கு தெரிவிக்கிறது.
