648 எரிவாயு சிலிண்டர்களுடன் லேலண்ட் ரக லொறியை திருடிய நபர் ஒருவர் வவுனியா பொலிஸாரால் கைது செய்யப்பட்டுள்ளார்.
வவுனியா வேப்பங்குளம் பகுதியில் பெண் ஒருவரால் எரிவாயு முகவர் நிலையம் நடத்தப்படுகிறது . குறித்த பெண்ணின் வீட்டிற்குள் புகுந்த சந்தேக நபர் எரிவாயு சிலிண்டர்கள் மற்றும் லொறியை திருடிச் சென்றுள்ளதாக பொலிஸார் தெரிவித்தனர்.
“விசாரணையின் போது, சந்தேக நபரான அவரது மூத்த மகன் கைது செய்யப்பட்டார், மேலும் எரிவாயு சிலிண்டருடன் லொறியும் கண்டுபிடிக்கப்பட்டது,” என்று பொலிசார் தெரிவித்தனர்.
சந்தேகநபர் தனது தந்தையின் மரணத்திற்குப் பின்னர் சொத்துரிமை தொடர்பாக ஏற்பட்ட தனிப்பட்ட தகராறில் இந்தக் கொள்ளைச் சம்பவத்தை மேற்கொண்டுள்ளதாக விசாரணையில் தெரியவந்துள்ளதாக பொலிஸார் தெரிவித்தனர்.
சந்தேக நபர் தனது தாயின் வியாபாரத்தை சீர்குலைக்கும் நோக்கில் எரிவாயு சிலிண்டர்கள் மற்றும் லொறியை திருடிச் சென்றுள்ளதாக பொலிஸார் தெரிவித்தனர்.




