அனுராதபுரம் போதனா வைத்தியசாலையில் சிகிச்சை பெற்று வந்த இளைஞனை கூரிய ஆயுதத்தால் தாக்கி கொலை செய்த சந்தேகத்தின் பேரில் பெண் ஒருவரும் ஆண் ஒருவரும் கைது செய்யப்பட்டுள்ளனர்.
மெடவாச்சி டெலிகொம் வீதி பகுதியில் வசிக்கும் 27 வயதுடைய இளைஞரும், மெதவாச்சி விவசாய சேவை நிலைய வீதியில் வசிக்கும் 23 வயதுடைய பெண்ணொருவருமே மெடவாச்சி பொலிஸாரால் கைது செய்யப்பட்டுள்ளனர்.
இவர்கள் இருவரும் கணவன் மனைவி என பொலிஸார் தெரிவிக்கின்றனர்.
கடந்த 26ஆம் திகதி காதல் விவகாரத்தின் அடிப்படையில் மேடவாச்சி பகுதியில் போதைப்பொருள் வியாபாரிகளுக்கு இடையில் மோதல் ஏற்பட்டது.
அங்கு, இல. 15, மன்னாரம் வீதி, மெதவாச்சியை சேர்ந்த 24 வயதுடைய பிஞ்சபது விக்கிரமசிங்க ருவன் கீத் உதித என்பவர் படுகாயமடைந்து அனுராதபுரம் போதனா வைத்தியசாலையின் 66ஆவது வார்டில் சிகிச்சை பெற்று வந்தார்.
கடந்த 28ம் தேதி அதிகாலை 4:30 மணியளவில் வார்டுக்குள் நுழைந்த நபர் ஒருவர் கூரிய ஆயுதத்தால் இளைஞரை வெட்டிவிட்டு அந்த இளைஞரை கொன்றுவிட்டு தப்பி ஓடியதாக தகவல் வெளியானது.
சம்பவத்துடன் தொடர்புடைய மேலும் மூன்று சந்தேகநபர்கள் கைது செய்யப்பட உள்ளதுடன், கைது செய்யப்பட்ட கணவன் மனைவி தம்பதிகளை இன்று (02) மதவாச்சி நீதவான் நீதிமன்றில் ஆஜர்படுத்தப்படவுள்ளனர்.
