ஹொரவ்பொத்தான -கெப்பித்திகொல்லாவ பிரதான வீதி கிவுளேகட பகுதியில் இடம்பெற்ற விபத்தில் இருவர் உயிரிழந்துள்ளதாகவும், மற்றும் ஒருவர் படுகாயம் அடைந்துள்ளதாகவும் ஹொரவ்பொத்தான பொலிஸார் தெரிவித்தனர்.
இவ்விபத்து நேற்றிரவு (30) 10.00 மணியளவில் இடம் பெற்றுள்ளது.
கெப்பித்திகொல்லாவ பகுதியில் இருந்து ஹைபிரிட் காரொன்று ஹொரவ்பொத்தான நோக்கி வந்து கொண்டிருந்த போது மாட்டுடன் மோதி வீதியை விட்டு விலகி விபத்துக்குள்ளானது.
இதன் போது குறித்த காரில் பயணித்த மூவரில் ஒருவர் ஹொரவ்பொத்தான வைத்தியசாலைக்கு கொண்டு செல்லும்போது உயிரிழந்துள்ளதாகவும் மற்றைய இருவரும் மேலதிக சிகிச்சைக்காக அனுராதபுர போதனா வைத்தியசாலைக்கு கொண்டு சென்று சிகிச்சை அளிக்கப்பட்ட நிலையில் சிகிச்சை பலனின்றி இன்னும் ஒருவர் உயிரிழந்துள்ளதாகவும் பொலிஸார் தெரிவித்தனர்.
இவ்வாறு உயிரிழந்தவர்கள் ஹொரவ்பொத்தான- அழுத்வத்த- மரதன்கடவல பகுதியைச் சேர்ந்த முனசிங்ககே ரோமின்த மதுபாசன (22வயது) மற்றும் ஹொரவ்பொத்தான – நிக்கவெவ சந்தியில் வசித்து வரும் ரன்னஹென்னகே சதறு பிரபாஷன (19வயது) எனவும் பொலிஸார் தெரிவித்தனர்.
இதேவேளை குறித்த விபத்தில் படுகாயமடைந்த திரப்பன்கடவல பகுதியைச் சேர்ந்த நேரத் முதியன்சலாகே துஷாந்த உதயங்க பண்டார (30வயது) கடுகாயமடைந்து நிலையில் அனுராதபுர போதனா வைத்தியசாலையில் அனுமதிக்கப்பட்டு சிகிச்சை பெற்று வருவதாகவும் பொலிஸார் குறிப்பிட்டனர்.
உயிரிழந்த இருவரின் சடலங்களும் தற்போது ஹொரவ்பொத்தான மற்றும் அனுராதபுரம் வைத்தியசாலைகளில் வைக்கப்பட்டுள்ளது.
விபத்து தொடர்பிலான விசாரணைகளை ஹொரவ்பொத்தான பொலிஸார் மேற்கொண்டு வருகின்றனர்.
-அப்துல்சலாம் யாசீம்-
