ரஷ்ய விளாடிமிர் புட்டினுடனான சந்திப்பின் போது, சீனத் தலைவர் ஜி ஜின்பிங், இருதரப்பு உறவுகளை வளர்ப்பது பெய்ஜிங்கின் மூலோபாயத் தேர்வு என்று கூறியதாக, சீன வெளியுறவு அமைச்சகம் செவ்வாயன்று தனது இணையதளத்தில் வெளியிட்ட அறிக்கையில் தெரிவித்துள்ளது.
“சீனா-ரஷ்யா உறவுகளை ஒருங்கிணைத்து மேம்படுத்துவது என்பது சீனா தனது சொந்த அடிப்படை நலன்கள் மற்றும் உலகின் நிலவும் போக்குகளின் அடிப்படையில் எடுத்த ஒரு மூலோபாயத் தேர்வாகும்” என்று சீன வெளியுறவு அமைச்சகம் தனது இணையதளத்தில் தெரிவித்துள்ளது. .
ரஷ்யாவுடன் மூலோபாய ஒத்துழைப்பை வலுப்படுத்தும் நோக்கில் சீனா தனது போக்கில் உறுதியாக இருப்பதாகவும் ஜனாதிபதி ஜி குறிப்பிட்டார்.
இரண்டு ஜனாதிபதிகளும் உக்ரைன் பற்றிய கருத்துக்களை “ஆழமான பரிமாற்றம்” செய்தனர். சீனத் தலைவரின் கூற்றுப்படி, பெரும்பாலான நாடுகள் பதட்டத்தைத் தளர்த்துவதை ஆதரிக்கின்றன, அமைதிப் பேச்சுக்களை ஆதரிக்கின்ற, “நெருப்பில் எண்ணெய் ஊற்றுவதை” எதிர்க்கின்றன என சீன வெளியுறவு அமைச்சகம் மேலும் கூறியது.
“உக்ரைன் பிரச்சினையின் அரசியல் தீர்வை ஊக்குவிப்பதில் சீனா தொடர்ந்து ஆக்கப்பூர்வமான பங்கை வகிக்கும்” என்று புடினுக்கு ஜி உறுதியளித்தார் என சீன வெளியுறவு அமைச்சகம் கூறியது.
திங்களன்று, ரஷ்ய ஜனாதிபதியின் அழைப்பின் பேரில் [ி மூன்று நாள் அரசு முறை பயணமாக ரஷ்யா வந்தார்.