பாகிஸ்தானின் முன்னாள் பிரதமருமான இம்ரான் கான் பிணையில் வெளிவர முடியாத இரண்டு கைது வாரண்ட்கள் பிறப்பிக்கப்பட்டன. பெண் நீதிபதியை அச்சுறுத்தியது உள்ளிட்ட இரண்டு வழக்குகளில் அவர் நீதிமன்றத்தில் முன்னிலையாகததை தொடர்ந்த இந்த உத்தரவு பிறப்பிக்கப்பட்டுள்ளது.
70 வயதான முன்னாள் பிரதமர் இம்ரான் கான் கடந்த ஆண்டு வஜிராபாத்தில் ஒரு படுகொலை முயற்சியில் இருந்து துப்பாக்கிச் சூட்டு காயங்களுடன் தப்பித்தார். தற்போது காயங்களில் இருந்து மீண்டு வருகிறார். அத்துடன் பல வழக்குகளில் விசாரணையைத் தவிர்த்துவிட்டார்.
இம்ரான் கான் இஸ்லாமாபாத்தில் உள்ள இரண்டு மாவட்ட மற்றும் அமர்வு நீதிமன்றங்களில் இன்று முன்னிலையாகியிருக்க வேண்டும் ஆனால் இம்ரானின் வழக்கறிஞர்கள் பாதுகாப்பு காரணங்களுக்காக விசாரணையில் இருந்து விலக்கு கோரி மனுக்களை தாக்கல் செய்தனர்.
கூடுதல் மாவட்ட மற்றும் செஷன்ஸ் நீதிபதி ஜாபர் இக்பால் (தோஷகானா வழக்கை விசாரித்து வருகிறார்) மற்றும் மூத்த சிவில் நீதிபதி ராணா முஜாஹித் ரஹீம் (நீதிபதி மிரட்டல் வழக்கு விசாரணை) ஆகியோர் இம்ரானுக்கு கைது வாரண்ட் பிறப்பித்து மார்ச் 18 மற்றும் மார்ச் 21 ஆகிய திகதிகளில் நீதிமன்றங்களில் ஆஜர்படுத்துமாறு போலீசாருக்கு அறிவுறுத்தினர்.
தோஷகானா வழக்கு
தோஷகானா வழக்கில் இம்ரானுக்கு ஜாமீனில் வெளிவர முடியாத கைது வாரண்ட் பிறப்பிக்கப்பட்டு, மார்ச் 18ஆம் திகதிக்குள் கைது செய்து நீதிமன்றத்தில் ஆஜர்படுத்துமாறு காவல்துறைக்கு அறிவுறுத்தியது.
இந்த வழக்கில் குற்றப்பத்திரிகை விசாரணையை இம்ரான் மூன்று முறை தவிர்த்துள்ளார். வெளிநாட்டு அதிகாரிகளிடம் இருந்து அரசாங்க அதிகாரிகளுக்கு வழங்கப்படும் பரிசுகள் வைக்கப்பட்டுள்ள களஞ்சியமான தோஷகானாவில் இருந்து அவர் தக்கவைத்துள்ள பரிசுப் பொருட்களை அவர் தனது சொத்துப் பிரகடனங்களில் மறைத்ததாக அவர் மீது குற்றம் சாட்டப்பட்டுள்ளது.
பிப்ரவரி 28 அன்று இம்ரானை தோஷகானா குறிப்பில் குற்றஞ்சாட்டுவதற்கு செஷன்ஸ் நீதிமன்றம் அமைக்கப்பட்டது, ஆனால் அவர் பல நீதிமன்றங்களில் ஆஜராக வேண்டியிருப்பதால் விசாரணையில் இருந்து அவருக்கு விலக்கு அளிக்குமாறு அவரது வழக்கறிஞர் நீதிபதியிடம் கோரியிருந்தார். இதற்கு முன் இரண்டு முறை அவரது குற்றச்சாட்டு ஒத்திவைக்கப்பட்டது.
இதையடுத்து நீதிபதி இம்ரானுக்கு கைது வாரண்ட் பிறப்பித்து விசாரணையை மார்ச் 7ம் திகதிக்கு ஒத்திவைத்தார்.
மார்ச் 5 அன்று, நீதிமன்ற சம்மனுடன் இம்ரானை கைது செய்ய இஸ்லாமாபாத் போலீஸ் குழு லாகூர் அனுப்பப்பட்டனர். இருப்பினும், இம்ரானை கைது செய்வதைத் தவிர்த்துவிட்டு வெறுங்கையுடன் திரும்பினர்.
இதையடுத்து, தனது கைது வாரண்ட்களை ரத்து செய்யக் கோரி, இஸ்லாமாபாத் உயர் நீதிமன்றத்தை கடந்த வாரம் இம்ரான் அணுகினார்.
மார்ச் 7 அன்று, இம்ரானின் ஜாமீனில் வெளிவர முடியாத கைது வாரண்ட்களை மார்ச் 13 வரை இடைநீக்கம் செய்த உயர் நீதிமன்றம், அவரை செஷன்ஸ் நீதிமன்றத்தில் ஆஜராகுமாறு அறிவுறுத்தியது.
இன்றைய விசாரணையின் தொடக்கத்தில், இம்ரானின் வழக்கறிஞர் கவாஜா ஹரிஸ், தனது கட்சிக்காரர் இன்று ஆஜராக முடியாது என்று நீதிமன்றத்தில் தெரிவித்தார். “அவர் ஆஜராக மறுக்கவில்லை, ஆனால் பாதுகாப்பு அச்சுறுத்தல் காரணமாக அவர் ஆஜராக முடியாது,” என்று அவர் கூறினார்.
லாகூர் உயர்நீதிமன்றம் மற்றும் இஸ்லாமாபாத் உயர்நீதிமன்றத்திலும் இதேபோன்ற மேல்முறையீடுகள் தாக்கல் செய்யப்பட்டுள்ளதாக ஹரிஸ் கூறினார்.
