நாட்டில் உள்ள ரஷ்ய தூதரகப் பணிகளின் ஊழியர்களைக் குறைப்பதற்கான நெதர்லாந்தின் முடிவுக்கு ரஷ்யா பதிலளிக்கும் என்று ரஷ்ய வெளியுறவு அமைச்சகம் சனிக்கிழமை தெரிவித்துள்ளது.
இதற்கு ரஷ்யா உரிய பதிலை அளிக்கும் என வெளியுறவு அமைச்சகம் தெரிவித்துள்ளது.
முன்னதாக சனிக்கிழமை ஒரு அறிக்கையில், நாட்டில் பணிபுரியும் ரஷ்ய தூதர்களின் எண்ணிக்கையை குறைக்க நெதர்லாந்து முடிவு செய்துள்ளதாக கூறியது.
சுமார் பத்து இராஜதந்திரிகள் வெளியேற்றப்படுவார்கள் என்றும் அவர்கள் இரண்டு வாரங்களுக்குள் நாட்டை விட்டு வெளியேற வேண்டும் என்றும் நெதர்லாந்து ஒலிபரப்புக் கூட்டுத்தாபனம் தெரிவித்துள்ளது.
இராஜதந்திரிகளை பணியமர்த்துவதற்கான விதிமுறைகள் குறித்து ரஷ்யாவுடன் நடத்திய பேச்சுவார்த்தை இன்றுவரை தோல்வியடைந்ததாக நெதர்லாந்து வெளியுறவு அமைச்சகம் தெரிவித்துள்ளது.
உக்ரைனில் ரஷ்யா தனது சிறப்பு இராணுவ நடவடிக்கையை தொடங்கிய பின்னர், நெதர்லாந்து 17 ரஷ்ய தூதர்களை வெளியேற்றியது. இதற்கு பதிலடியாக ரஷ்யா 15 டச்சு தூதர்களை நாட்டை விட்டு வெளியேற உத்தரவிட்டது. அதன் பின்னர், புதிய தூதரக அதிகாரிகளை பணியமர்த்துவது குறித்து இரு நாடுகளும் பேச்சுவார்த்தையில் ஈடுபட்டதாக நெதர்லாந்து வெளியுறவு அமைச்சகம் தெரிவித்துள்ளது.
