தொழில்துறைக்கான பொதுவான கொள்கை வழிகாட்டுதல்களை வகுக்க மின்சாரம் மற்றும் எரிசக்தி அமைச்சருக்கு சட்டம் முழு அதிகாரம் அளித்துள்ளது என்று சட்டமா அதிபர் விளக்கமளித்துள்ளதை அடுத்து, எதிர்ப்புக்களை பொருட்படுத்தாமல் 65 சதவீத கட்டண உயர்வை அரசாங்கம் நிறைவேற்ற உள்ளது.
இலங்கை பொதுப் பயன்பாட்டு ஆணைக்குழு (PUCSL) சட்டமானது, பொதுப் பயன்பாட்டுத் துறைக்கு பொறுப்பான அமைச்சருடன் கலந்தாலோசித்து, தனக்குத் தேவையான இடத்தில், பொதுவான கொள்கை வழிகாட்டுதல்களை வகுத்து, அத்தகைய வழிகாட்டுதல்களை அமைச்சர் மூலம் வெளியிடுவதற்கு அமைச்சரவைக்கு அதிகாரம் வழங்குவதாகவும் சட்டமா அதிபர் சஞ்சய் ராஜரத்தினம் கூறியுள்ளார். அத்தகைய வழிகாட்டுதல்களை நடைமுறைப்படுத்த பொதுப்பயன்பாட்டு ஆணைக்குழு கடமைப்பட்டுள்ளது” என்று சட்டமா அதிபர் குறிப்பிட்டுள்ளார்.
மின் கட்டணத்தை அதிகரிப்பதற்கான பிரேரணை மின்சக்தி மற்றும் எரிசக்தி அமைச்சர் காஞ்சன விஜேசேகரவினால் நாளை (2) அமைச்சரவையில் சமர்ப்பிக்கப்பட உள்ளது.
உத்தேச கட்டண உயர்வின் கீழ் யூனிட் மற்றும் நிலையான கட்டணங்கள் இரண்டும் கணிசமாக உயரும்.
0-30 யூனிட்களுக்கு இடையில் ரூ. 8 முதல் ரூ. 30, 31-60 யூனிட்களுக்கு இடையில் ரூ. 10 முதல் ரூ. 37, 61-91 யூனிட்களுக்கு இடையில் ரூ. 16 முதல் ரூ. 42 வரை அதிகரிக்கும். 91 யூனிட்டுகளுக்கு மேல் உள்ள வகைகளில் நுகர்வோருக்கு அதிகரிப்பு இருக்காது.
நிலையான கட்டணங்களும் கணிசமாக அதிகரிக்கிறது.
0-30 யூனிட்பாவனையாளர்களின் நிலையான கட்டணங்கள் ரூ. 120 முதல் ரூ. 400, 31-60 யூனிட் பாவனையாளர்களின் நிலையான கட்டணங்கள் ரூ. 240 முதல் ரூ. 550 , 61-91 யூனிட் பாவனையாளர்களின் நிலையான கட்டணம் ரூ. 360 முதல் ரூ. 650., 91-120 யூனிட், மற்றும் 120-180 யூனிட் பாவனையாளர்களின் நிலையான fட்டணங்கள் ரூ. 960 முதல் ரூ. 1500. 181 யூனிட்டுகளுக்கு மேல் பயன்படுத்தும் நுகர்வோர் நிலையான கட்டணங்கள் ரூ. 1500 முதல் ரூ. 2000 வரை அதிகரிக்கும்.
கடந்த ஓகஸ்டில் மின்கட்டண உயர்வு செய்யப்பட்டு நான்கு மாதங்கள் மட்டுமே ஆகியுள்ள போதிலும், மின்சாரம் மற்றும் எரிசக்தி அமைச்சு மற்றொரு கட்டண உயர்வை மேற்கொள்கிறது.
இதனால் பொதுமக்களின் வாழ்க்கை பெரிதும் பாதிக்கப்படவுளள்து.
எனினும்,இந்த ஆண்டு மின்வெட்டை அமுல்ப்படுத்தாமல் இருப்பதானால் இந்த உயர்வு அவசியம் என்று அமைச்சரவை பத்திரம் கூறுகிறது.
இதற்கிடையில், மின்கட்டண உயர்வை எதிர்த்த பொதுப்பயன்பாடுகள் ஆணைக்குழு கடுமையாக எதிர்த்து வந்துள்ளது. அதன் தலைவர் ஜனக ரத்நாயக்க, மின்சாரசபையின் கட்டண உயர்வுக்கான கோரிக்கையை அங்கீகரிக்குமாறு அறிவுறுத்தும் எந்தவொரு அமைச்சரவை கட்டளையையும் பின்பற்றுவதற்குஎகடமைப்படவில்லை என்று வலியுறுத்தியுள்ளார்.
“கடந்த நான்கு மாதங்களுக்குப் பிறகு மற்றொரு கட்டண உயர்வுக்கு எந்த அடிப்படையும் இல்லை. எப்படியும் மின்சாரசபை கடந்த கட்டண உயர்வுக்குப் பிறகு செயல்பாட்டு லாபத்தை ஈட்டுகிறது,” என்று அவர் கூறினார்.
நிலக்கரி ஏற்றுமதிக்கு பணம் செலுத்துதல் மற்றும் ஓகஸ்ட் மாதம் வரை ஏற்பட்ட இழப்புகளை மீட்பதற்காக இந்த புதிய உயர்வு முன்மொழியப்படுவதாக ரத்நாயக்க கூறினார்.
“வழக்கமான மற்றும் தன்னிச்சையாக கட்டணங்களை பொதுக் கலந்தாய்வு கூட இல்லாமல் அதிகரிக்க முயற்சித்தால், அதைத் தடுக்க நாங்கள் சட்டப்பூர்வ நடவடிக்கை எடுக்க வேண்டிய கட்டாயத்தில் உள்ளோம்” என்று அவர் கூறினார்.
1.6 மில்லியனுக்கும் அதிகமான நுகர்வோர் உள்ளனர், அவர்களின் மாதாந்திர மின் கட்டணம் தற்போது ரூ. 200 அல்லது அதற்கும் குறைவாக இருக்கும் என மின்சாரம் மற்றும் எரிசக்தி அமைச்சுஅதிகாரி ஒருவர் தெரிவித்தார்.
அவர்கள் குறைந்த வருமானம் கொண்ட குழுக்களைச் சேர்ந்தவர்கள், அவர்கள் கட்டணங்களில் மானியங்களைப் பெறுகிறார்கள், ஆனால் அத்தகைய ஒவ்வொரு அலகுக்கும் உற்பத்தி செலவு அதிகமாக உள்ளது மற்றும் திறைசேரி இனி இந்த செலவை ஈடுசெய்ய தயாராக இல்லை, அவர் வெளிப்படுத்தினார்.
கூடுதலாக, திறைசேரியானது மத ஸ்தலங்கள், பாடசாலைகள் மற்றும் மருத்துவமனைகளுக்கு மின்சார மானியங்களை வழங்குகிறது.
“ஒட்டுமொத்தமாக, திறைசேரி ரூ. 300 பில்லியன் மின்சார மானியம் வழங்கியது. இது இனி நீடிக்காது. கட்டண உயர்வு அமல்படுத்தப்பட்டால், மின்சாரசபை நுகர்வோருக்கு மீண்டும் தடையில்லா மின்சாரத்தை வழங்க முடியும், ”என்று அந்த அதிகாரி கூறினார்.
எனினும், பாட்டலி சம்பிக்க ரணவக்கவும், இந்த கட்டண அதிகரிப்பு தேவையற்றது என்பதை வெளிப்படுத்தியிருந்தார். தற்போதைய கட்டண அதிகரிப்புடனேயே மின்சாரசபை லாபம் பெறும் நிறுவனமாக மாறி விட்டதை அவர் வெளிப்படுத்தினார். அத்துடன், அதிக மின்சார பாவனை செய்யும் பெரு நிறுவனங்கள், தொழிலதிபர்கள், வசதி படைத்தவர்களிடம் கட்டணத்தை உயர்த்துமாறு, மக்கள் நல முன்மொழிவை அவர் மேற்கொண்டார். எனினும், அரசு அதை கணக்கிலெடுக்கவில்லை.
