கஞ்சாவை சட்டப்பூர்வமாக்குவதற்கு முன் நுணுக்கமான ஆய்வுகள் மேற்கொள்ளப்பட வேண்டும் என்று இலங்கை கல்லூரி மனநல மருத்துவர்கள் எச்சரித்துள்ளனர்.
போதைப்பொருள் துஷ்பிரயோகத்திற்கு கஞ்சா ஒரு காரணியாகும் – இது மருத்துவம் அல்லாத காரணங்களுக்காக பரவலாக எடுத்துக் கொள்ளப்படுகிறது – அதை சட்டப்பூர்வமாக்குவது ஒட்டுமொத்த மக்களையும் மோசமாக பாதிக்கும் என்று அது சட்டமியற்றுபவர்களை எச்சரித்துள்ளது.
கஞ்சாவை சட்டப்பூர்வமாக்குவதற்கு இலங்கை கல்லூரி மனநல மருத்துவர்கள் எந்த வகையிலும் ஒப்புதல் அளிக்கவில்லை என தெரிவித்துள்ளனர்.
ஏனெனில் இது கஞ்சாவைச் சார்ந்திருப்பதன் பரவலுக்கு வழிவகுக்கும். இது பரவலான எதிர்மறையான சமூக, பொருளாதார மற்றும் கலாச்சார தாக்கங்களை ஏற்படுத்தும்.
பொருளாதார நெருக்கடி மற்றும் வளங்களின் பற்றாக்குறை உட்பட காரணங்களால் மனநலச் சேவைகள் பல சவால்களை எதிர்கொள்வதாக மனநல மருத்துவர்கள் சுட்டிக்காட்டுகின்றனர். கஞ்சாவை சட்டப்பூர்வமாக்குவதன் மூலம் மனநோய்களின் அதிகரிப்பை தற்போதுள்ள கட்டமைப்பால் சமாளிக்க முடியாது என்று தெரிவித்துள்ளனர்.
இளைஞர்களிடையே கஞ்சா பயன்பாடு அவர்களின் கவனம் செலுத்தும் திறன், பொருள்களுக்கிடையேயான காட்சி மற்றும் இடஞ்சார்ந்த உறவைப் புரிந்துகொள்ளும் திறன், நினைவகம், செயலாக்க வேகம் மற்றும் ஒட்டுமொத்த நுண்ணறிவை மோசமாக பாதிக்கலாம்.
ஆரம்ப வயதில் பயன்பாடு மற்றும் கஞ்சாவின் வழக்கமான பயன்பாட்டினால் மற்றவர்களில் சார்ந்திருக்கும் அபாயத்தையும், மனநோயை உருவாக்கும் அபாயத்தை அதிகரிக்கிறது. அதன் தொடர்ச்சியான பயன்பாடு மனநோயாளிகளின் செயல்திறன், உறவுகள் மற்றும் வாழ்க்கைத் திறன்கள் போன்ற செயல்பாட்டு விளைவுகளை மோசமாக பாதிக்கிறது என மருத்துவர்கள் எச்சரித்துள்ளனர்.
கஞ்சாவின் விளைவுகள் கரு வளர்ச்சியின் போது நரம்பு மண்டலத்தில் தாக்கம், அறிவாற்றல் வளர்ச்சி மற்றும் நடத்தை மற்றும் பின்னர் மோசமான கல்வி ஆகியவற்றில் எதிர்மறையான தாக்கங்களை ஏற்படுத்தும்.
மனநல கோளாறுகளுக்கு சிகிச்சையளிப்பதில் கஞ்சா நன்மை பயக்கும் என்று கூறுவதற்கு அறிவியல் சான்றுகள் இல்லை என்றாலும், ஸ்கிசோஃப்ரினியா போன்ற மனநல கோளாறுகளின் தொடக்கத்துடன் கஞ்சாவின் பயன்பாடு காரணமென ஆய்வுகள் கூறுகின்றன. இது மனச்சோர்வு மற்றும் பதட்டத்துடன் தொடர்புடைய கோளாறுகளின் அறிகுறிகளுடன் தொடர்புடையது.
ஆரம்பகால மற்றும் வழக்கமான கஞ்சாவைப் பயன்படுத்துபவர்கள் குறைந்த அளவிலான கல்வித் தகுதி, வறுமை, வேலையின்மை மற்றும் அரசின் நலன் மற்றும் பிற சட்டவிரோத போதைப்பொருள்களின் மீதான அதிகரித்த சார்பு போன்ற எதிர்மறையான உளவியல்-சமூக விளைவுகளுக்கு மிகவும் எளிதில் பாதிக்கப்படுகின்றனர் என சுட்டிக்காட்டுகிறது.
நோய் பாதிப்பு மற்றும் பொருளாதார நெருக்கடியைக் கருத்தில் கொண்டு, கஞ்சா சட்டத்தின் எந்தவொரு வடிவத்தின் செலவு-பயன்களும் முழுமையான மற்றும் கவனமாக ஆராய்ச்சி மூலம் கண்டறியப்பட வேண்டும் என்று அது எச்சரிக்கிறது.
இலங்கையின் ஆயுர்வேத சட்டத்தின்படி, ஆயுர்வேத வைத்தியர்கள் மாத்திரமே தமது மருந்து தயாரிப்புகளுக்காக கஞ்சாவைப் பெற வேண்டும்.
அமெரிக்க மனநல சங்கம், பிரித்தானியாவின் ரோயல் கொலிஜ் ஒஃப் சைக்கியாட்ரிஸ்ட்ஸ், ரோயல் அவுஸ்திரேலியன் மற்றும் நியூசிலாந்து மனநல மருத்துவர்கள் கல்லூரி மற்றும் பிற சர்வதேச மருத்துவ நிறுவனங்கள் கஞ்சாவை அதன் மருத்துவ நோக்கங்கள் உட்பட சட்டப்பூர்வமாக்குவது குறித்து கவலை தெரிவித்துள்ளன என இலங்கை கல்லூரி மனநல மருத்துவர்கள் குறிப்பிl்டுள்ளனர்.
கஞ்சாவைப் பயன்படுத்தும் பதின்வயதினர் அவர்களின் வளரும் மூளைக்கு நீண்டகால சேதத்தை ஏற்படுத்துகிறது மற்றும் இது மதுசாரத்தை விட தீங்கு விளைவிக்கும் என்று மாண்ட்ரீல் பல்கலைக்கழகம் நடத்திய ஆராய்ச்சி தெரிவிக்கிறது. இளமையில் மது அருந்துவதும், கஞ்சா போன்ற போதைப் பொருட்களை உட்கொள்வதும் கற்றல், கவனம், பாடசாலையில் கல்வி செயல்திறன் மற்றும் முடிவெடுப்பது போன்ற அறிவாற்றல் திறன்களில் சிக்கல்களை ஏற்படுத்துவதாக அறியப்படுகிறது என தெரிவித்துள்ளது.
