நந்திக்கடல், நாயாறு, சாம்பல்தீவு பகுதிகள் வனப்பாதுகாப்பு வலயங்களாகிறது!

Date:

திருகோணமலை மாவட்டத்தில் உள்ள சம்பல்தீவு மற்றும் நாயாறு, நந்திக்கடல் உள்ளிட்ட பகுதிகளை வனப் பாதுகாப்பு வலயங்களாக பிரகடனப்படுத்துவதற்கு அரசாங்கம் அங்கீகாரம் வழங்கியுள்ளதாக விவசாய, வனஜீவராசிகள் மற்றும் வன வளங்கள் பாதுகாப்பு அமைச்சர் மஹிந்த அமரவீர தெரிவித்துள்ளார்.

அமைச்சில் நேற்று (22) இடம்பெற்ற கலந்துரையாடலை அடுத்து இந்த தீர்மானம் மேற்கொள்ளப்பட்டுள்ளது.

மேலும் மாசடைந்த நீரேரிகளை சுத்தம் செய்வதற்கான வழிமுறைகள் குறித்தும் விவாதிக்கப்பட்டது.

அமைச்சரவை ஏற்கனவே அனுமதி வழங்கியுள்ள நிலையில், பணிகளை துரிதப்படுத்துமாறு வனஜீவராசிகள் பணிப்பாளர் நாயகத்திற்கு அமைச்சர் அமரவீர ஆலோசனை வழங்கினார்.

மேலும், பல்வேறு மனித நடவடிக்கைகளால் நாயாறு மற்றும் நந்திக்கடல் பகுதிகள் மாசுபடுவதாகவும், ஏராளமான கழிவுகள் கொட்டப்பட்டு குளங்கள் நிரப்பப்படுவதால் சதுப்புநிலங்கள் மற்றும் குளத்தை சார்ந்த உயிரினங்கள் அழியும் அபாயத்தில் இருப்பதாகவும் வலியுறுத்தப்பட்டது.

இரண்டு நீரேரிகளையும் பாதுகாப்பதற்கான உண்மைகளை ஆய்வு செய்வதற்காக விசேட குழுவொன்றை நியமிப்பதற்கு அமைச்சர் தீர்மானித்ததுடன் இரண்டு வாரங்களுக்குள் அறிக்கை சமர்ப்பிக்குமாறு பணிப்புரை விடுத்தார்.

spot_imgspot_img

More like this
Related

Update – மின்விசிறி வயரால் பறிபோன ஒரே குடும்பத்தின் 4 உயிர்கள் – உறக்கத்திலேயே நடந்த சோகம்!

கடுவெல நகரில் இடம்பெற்ற கோரச் சம்பவம் – தாய், தந்தை மற்றும்...

மஸ்கெலியா பாடசாலையில் 35 மாணவர்கள் திடீர் சுகவீனம் – ஐவர் வைத்தியசாலையில் அனுமதி!

மஸ்கெலியா புனித ஜோசப் தமிழ் வித்தியாலயத்தின் ஆரம்பப் பிரிவில் கல்வி பயிலும்...

மதுபோதையில் இ.போ.ச பேருந்து செலுத்தியவரின் சாரதி அனுமதிப்பத்திரம் வாழ்நாள் முழுக்க தடை!

மதுபோதையில் பேருந்தை ஓட்டியதாகக் குற்றம் சாட்டப்பட்ட, இலங்கை போக்குவரத்து சபையைச் சேர்ந்த...
spot_imgspot_img
spot_imgspot_img

பரபரப்பான செய்திகள்