பலத்த காற்று மற்றும் கடல் சீற்றம் காரணமாக புத்தளத்திலிருந்து ஹம்பாந்தோட்டை ஊடாக பொத்துவில் வரையான மேற்குக் கடற் பிராந்தியங்களில் மீன்பிடி மற்றும் கடற்படை நடவடிக்கைகளுக்காக கடல் பகுதிகளுக்கு செல்ல வேண்டாம் என வளிமண்டலவியல் திணைக்களம் அறிவுறுத்தியுள்ளது.
சிவப்பு எச்சரிக்கை விடுத்துள்ள வளிமண்டலவியல் திணைக்களம், தற்போது தென்மேற்கு பருவமழை தீவிரம் காரணமாக புத்தளத்திலிருந்து கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பரப்புகளில் மணிக்கு 60-70 கிலோமீற்றர் வேகத்தில் பலத்த காற்று வீசுவதுடன் கடல் கொந்தளிப்பாகவும் காணப்படும் எனவும், கடல் பகுதிகளில் சுமார் 2.5 மீட்டர் முதல் 3 மீட்டர் வரை அலைகள் எழ வாய்ப்பு உள்ளதாக தெரிவித்துள்ளது.
இதன்படி, எதிர்வரும் 24 மணித்தியாலங்களுக்கு மேற்படி கடற்பரப்புகளில் மீன்பிடி மற்றும் கடற்படை நடவடிக்கைகளுக்கு செல்ல வேண்டாம் என வளிமண்டலவியல் திணைக்களம் அறிவுறுத்தியுள்ளது.
