அவுஸ்திரேலிய கிரிக்கெட் அணியின் டிராவிஸ் ஹெட்டுக்கு கொரோனா தொற்று உறுதியாகியுள்ளது.
இங்கிலாந்து கிரிக்கெட் அணி அவுஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட ஆஷஸ் டெஸ்ட் தொடரில் விளையாடி வருகிறது. 3 டெஸ்ட் போட்டிகள் முடிவடைந்துள்ள நிலையில் இந்த டெஸ்ட் தொடரில் அவுஸ்திரேலியா 3-0 என்ற கணக்கில் முன்னிலை வகிக்கிறது.
இரு அணிகளும் இடையிலான 4வது டெஸ்ட் போட்டி ஜனவரி 5 ஆம் திகதி சிட்னி கிரிக்கெட் மைதானத்தில் தொடங்குகிறது.இந்த நிலையில் அவுஸ்திரேலியா கிரிக்கெட் அணியின் டிராவிஸ் ஹெட் கொரோனா தொற்றினால் பாதிக்கப்பட்டுள்ளார்.
இது குறித்து அவுஸ்திரேலியா கிரிக்கெட் வாரியம் டுவிட்டரில் தெரிவித்துள்ளதாவது:
அவுஸ்திரேலியா கிரிக்கெட் அணியின் டிராவிஸ் ஹெட்க்கு கொரோனா பரிசோதனை முடிவில் தொற்று உறுதியாகியுள்ளது. அவருக்கு கொரோனா அறிகுறிகள் எதுவும் இல்லை. அவர் அடுத்த 7 நாட்களுக்கு மெல்போனில் தன்னை தனிமைப்படுத்திக்கொள்வார்.
அவுஸ்திரேலியா கிரிக்கெட் அணியின் அனைத்து வீரர்களுக்கும் அவர்கள் குடும்பத்தினருக்கும் கொரோனா பரிசோதனை மேற்கொள்ளப்பட்டுள்ளது. டிராவிஸ் ஹெட் விரைவில் குணமடைந்து 5வது டெஸ்ட் போட்டியில் விளையாடுவர் என எதிர்பார்க்கிறோம்.
Australian batter Travis Head has tested positive to Covid-19 following a routine PCR test.
As a precautionary measure Mitchell Marsh, Nic Maddinson and Josh Inglis have joined the Australian squad as additional cover.
Full statement 👇 pic.twitter.com/1j6o80qZJI
— Cricket Australia (@CricketAus) December 31, 2021
