பருத்தித்துறை சுகாதார வைத்திய அதிகாரி பிரிவில் இரண்டு மதுபானச்சாலைகள் சீல் வைக்கப்பட்டுள்ளன. அவை14 நாட்களிற்கு தனிமைப்படுத்தப்பட்டுள்ளன. அங்கு பணிபுரிந்த ஊழியர்கள் கொரோனா தொற்றிற்குள்ளானதையடுத்து இந்த நடவடிக்கை மேற்கொள்ளப்பட்டது.
கிராமக்கோட்டு சந்தியில் அமைந்திருந்த மதுபானச்சாலையும், ஆனைவிழுந்தான்- புனிதநகர் பகுதியில் அமைந்திருந்த மதுபானச்சாலையுமே தனிமைப்படுத்தப்பட்டுள்ளன.
அங்கு பணிபுரிந்தவர்களும் தனிமைப்படுத்தப்பட்டுள்ளனர்.
வடமராட்சியின் பல்வேறு பகுதிகளிலும் கொரோனா தொற்றாளர்கள் அடையாளம் காணப்பட்டு வரும் நிலையில், மக்கள் சுகாதார நடைமுறையை பின்பற்றி செயற்படுமாறு அறிவுறுத்தப்பட்டுள்ளனர்.
