இந்த கோடை காலம் அதிக வெப்பமானதாக உள்ளது. எப்போது பருவமழை துவங்கும் என மக்கள் பலரும் காத்துள்ளனர். உண்மையில் வெப்பத்திற்கு பிறகு வரும் பருவ மழையானது மகிழ்ச்சியானதாக இருந்தாலும் அது நோய் தொற்றுக்கான பருவமாகும். இந்த பருவத்தில் பல வகையான தொற்று நோய்கள் நம்மை பாதிக்கின்றன. ஆனால் அதற்காக நாம் பருவ மழையை தவிர்க்க முடியாது.
இது பல்வேறு சரும நோய் பிரச்சினைகளை ஏற்படுத்துகிறது. மேலும் ஜலதோஷம், இருமல் மற்றும் காய்ச்சல் ஆகியவை நமது உடலை தாக்கி உங்கள் நோய் எதிர்ப்பு சக்தியை பலவீனப்படுத்துகின்றன. இந்த கொரோனா காலத்தில் நமது உடலில் நோய் எதிர்ப்பு சக்தி குறைகிறது என்பது அவ்வளவு நல்ல விஷயம் கிடையாது. எனவே இந்த சமயத்தில் நமது நோய் எதிர்ப்பு சக்தியை அதிகரிப்பது முக்கியமாகும். இதற்கு நமக்கு விட்டமின் சி உதவுகிறது. மேலும் சரும பராமரிப்பில் விட்டமின் சி முக்கிய பங்கை கொண்டுள்ளது. எனவே விட்டமின் சியை பயன்படுத்துவதன் மூலம் சரும பிரச்சனைகள் சரி செய்தல் மற்றும் நோய் எதிர்ப்பு சக்தியை அதிகரித்தல் ஆகிய இரண்டு நன்மைகளை நாம் பெற முடியும்.
பருவமழை எவ்வாறு பூஞ்சை தொற்றை ஏற்படுத்துகிறது
பருவ மழை காலத்தில் பூஞ்சை தொற்று என்பது பொதுவான பிரச்சினையாக உள்ளது. மக்களில் பலர் தங்கள் வாழ்நாளில் ஒரு முறையாவது பூஞ்சை தொற்றால் பாதிக்கப்படுகின்றனர். பூஞ்சை தொற்றானது பூஞ்சையால் ஏற்படும் ஒரு சரும நோய் ஆகும். இதனால் எரிச்சல், சருமத்தில் செதில், சருமம் சிவத்தல், அரிப்பு மற்றும் கொப்புளங்கள் ஆகிய பிரச்சினைகள் சருமத்தில் ஏற்படுகின்றன. குறிப்பாக மழைக்காலங்களில் இந்த பூஞ்சை சரும தொற்றானது மிகவும் அதிகமாக உள்ளது. ஆனால் ஏன் இது பருவ மழை காலங்களில் அதிகமாகிறது என்பது பலரது கேள்வியாக உள்ளது. ஆனால் பூஞ்சை தொற்றுக்கு சரியான முறையில் சிகிச்சை அளிக்கப்படாவிட்டால் அது மோசமடைந்து சரும நோயாக மாறக்கூடும். இதனால் கடுமையான அரிப்பு, வடு, சொறி மற்றும் சிவத்தல் போன்ற பிரச்சினைகள் சருமங்களில் ஏற்படுகின்றன.
பூஞ்சை தொற்றுக்கு உதவும் விட்டமின் சி
இந்தப் பூஞ்சைத் தொற்றை சரி செய்ய விட்டமின் சி உதவுகிறது. உண்மையில் அது உங்களுக்கு பல ஆரோக்கிய நன்மைகளை செய்கிறது. எந்த வயதை சேர்ந்தவராக இருந்தாலும் சரும பிரச்சினையை சரி செய்ய விட்டமின் சி யை பயன்படுத்தலாம். மேலும் விட்டமின் சி ஒரு சக்தி வாய்ந்த ஆக்ஸிஜனேற்றியாக உள்ளது.
சருமப் பிரச்சினைகள்
இது உங்கள் சரும பிரச்சினைகளை சரி செய்ய உதவுகிறது. விட்டமின் சி ஆரஞ்சு, எலுமிச்சை போன்ற சிட்ரிக் பழங்களில் அதிகமாக உள்ளது. விட்டமின் சியை எடுத்துக்கொள்ள நினைப்பவர்கள் பருவ மழைக்காலங்களில் இந்த பழங்களை எடுத்துக்கொள்ளலாம். விட்டமின் சி பூஞ்சை தடுப்பு பண்புகளை கொண்டிருப்பதோடு உடலுக்கும் ஊட்டச்சத்து நன்மைகளை அளிக்கிறது.
சரும அழற்சி
விட்டமின் சி பல்வேறு சருமத்தில் அழற்சி பிரச்சினைகளை சரி செய்ய உதவுவதாக நிரூபிக்கப்பட்டுள்ளது. உங்கள் சருமத்தை பூஞ்சை நோயில் இருந்து காக்க சருமத்தை நீரேற்றமாக வைத்திருப்பது அவசியமாகும். இல்லை எனில் உடலில் சருமத்தில் அரிப்பு ஏற்படும். விட்டமின் சி உள்ள உணவுகளை அதிகமாக உட்கொள்வதன் மூலம் சருமம் நீரேற்றம் அடைகிறது என சில ஆய்வுகள் கூறுகின்றன.
