லியோனல் மெஸ்ஸி தனது இதுவரையான வாழ்க்கை முழுவதிலும் விளையாடிய பார்சிலோனாவை விட்டு வெளியேறுவதை உறுதிப்படுத்திய பத்திரிகையாளர் சந்திப்பைத் தொடங்கியபோது கண்ணீர் விட்டு அழுதார்.
“நான் மனத்தாழ்மையுடனும் மரியாதையுடனும் நடந்து கொள்ள முயன்றேன், நான் கிளப்பை விட்டு வெளியேறும்போது அதுதான் எஞ்சியிருக்கும் என்று நம்புகிறேன்” என்று மெஸ்ஸி செய்தியாளர் சந்திப்பில் கூறினார்.
பார்சிலோனாவிலுள்ள கேம்ப் நோ ஸ்டேடியத்தில் மெஸ்ஸிக்கு பிரியாவிடை அளிக்கப்பட்டது. இதன்போது, நூற்றுக்கணக்கான ரசிகர்கள் மெஸ்ஸியின் எண் 10 ஜெர்சியை அணிந்தபடி கலந்து கொண்டிருந்தனர்.
34 வயதான அர்ஜென்டினாவின் சூப்பர் ஸ்டார் மெஸ்ஸி, ஜூன் மாத இறுதியில் இருந்து பார்சிலோனாவுடனான ஒப்பந்தத்தில் இருந்து விலகிவிட்டார். அவரை தொடர்ந்து அணியில் வைத்துக்கொள்ள முடியாது என்று பார்சிலோனா தெரிவித்திருந்தது.
“இந்த ஆண்டு, நானும் என் குடும்பமும் இங்கேயே, வீட்டில் தங்கப் போகிறோம் என்று உறுதியாக இருந்தோம் – இதைத்தான் நாங்கள் அதிகமாக விரும்பினோம்” என்று தனது உணர்ச்சிகளைக் கட்டுப்படுத்த போராடியபடி மெஸ்ஸி தெரிவித்தார்.
Greatest Applause
Of
All
Time pic.twitter.com/YoJt8nkTZc— FC Barcelona (@FCBarcelona) August 8, 2021
மெஸ்ஸி தனது உடனடித் திட்டங்கள் என்ன என்று கூறவில்லை. ஆனால் பாரிஸ் செயின்ட்-ஜெர்மைனில் சேருவது விருப்பங்களில் ஒன்று என்றார்.
“நான் போட்டியிடும் வரை மற்றும் என் உடல் ஒத்துழைக்கும் வரை- என்னால் முடிந்தவரை, நான் தொடர்ந்து விளையாடுவேன்“ என்றார்.
34 வயதான மெஸ்ஸி பார்சிலோனாவிற்காக 21 வருடங்களாக ஆடி வருகிறார். பார்சிலோனாவிற்காக 682 கோல் அடித்துள்ளார்.
மெஸ்ஸி பிரியாவிடை உரையை நிகழ்த்துவதற்கு முன் தற்போதைய மற்றும் முன்னாள் அணி வீரர்கள் மற்றும் பயிற்சியாளர்களிடமிருந்து நீண்ட வரவேற்பைப் பெற்றார்.
மெஸ்ஸி தான் அணியில் தங்கியிருப்பேன் என்று நம்பியதாக கூறினார். ஐந்து வருட ஒப்பந்தத்திற்காக 50 சதவிகித ஊதியக் குறைப்புக்கு ஒப்புக்கொண்டதாக தெரிவித்தார். ஆனால், கடந்த வார இறுதியில் ஒரு ஆச்சரியமான யு-டர்ன் மட்டுமே நடந்தது என்றார்.
“என் ஒப்பந்தம் ஒருபோதும் பிரச்சினையாக இல்லை … என்னால் முடிந்த அனைத்தையும் செய்தேன் என்பது எனக்குத் தெரியும். லா லிகா காரணமாக அது நடக்காது என்று கிளப் கூறுகிறது. நான் தங்குவதற்கு என்னால் முடிந்த அனைத்தையும் செய்தேன் என்று நான் உங்களுக்கு உத்தரவாதம் அளிக்க முடியும். கடந்த ஆண்டு நான் விரும்பவில்லை, நான் சொன்னேன், ஆனால் இந்த ஆண்டு அது வித்தியாசமாக இருந்தது“ என்றார்.
அவர் அணியில் இருந்த காலத்தில் வென்ற 35 கோப்பைகளும், செய்தியாளர் மாநாட்டிற்குப் பிறகு ஒரு தனிப்பட்ட புகைப்பட அமர்வுவாக இடம்பெற்றது.
