இன்ஸ்டாகிராமில் அறிமுகமான இளைஞர் காதல் வலை வீசிய நிலையில் அதை ஏற்க மறுத்துள்ளார் மருத்துவக்கல்லூரி மாணவி. அந்த மாணவியை துப்பாக்கியால் சுட்டு கொலை செய்த இளைஞரும் தற்கொலை செய்துகொண்ட சம்பவம் அதிர்வலையை ஏற்படுத்தியுள்ளது.
கேரள மாநிலம் கண்ணூர் மாவட்டம் நாறாத்து இரண்டாம் மைல் பகுதியைச் சேர்ந்தவர் மானஷா (24). இவரது தந்தை மாதவன் கண்ணூர் போக்குவரத்து காவல் துறையில் ஹோம் கார்டாக பணி செய்து வருகிறார். தாய் பீனா பள்ளி ஆசிரியராக இருக்கிறார்.
மானஷா கொச்சி கோதமங்கலம் நெல்லிக்குழி இந்திராகாந்தி தனியார் பல் மருத்துவக் கல்லூரியில் படித்து வந்தார். இவர் தனது தோழிகளுடன் கல்லூரிக்கு அருகிலேயே ஒரு வீட்டின் மேல் பகுதியில் அறை எடுத்து வசித்து வந்தார்.
நேற்று மாலை 3 மணி அளவில் மானஷா தங்கியிருந்த அறைக்கு கண்ணூர் மாவட்டம் தலசேரியை அடுத்த மேலூரைச் சேர்ந்த ராஹில் (32) என்பவர் சென்றுள்ளார். அங்கு மானஷாவும், அவருடன் வசிக்கும் மூன்று மாணவிகளுடன் சாப்பிட்டுக்கொண்டிருந்தார் மானஷா.
அப்போது ராஹில் அங்கு சென்றதும் இங்கு எதற்காக வந்தாய் எனக் கேட்டுள்ளார் மானஷா. உடனே ராஹில், மானஷாவை பிடித்து இழுத்து அருகில் இருந்த அறைக்கு கொண்டு சென்றுள்ளார். இதனால் பதற்றம் அடைந்த சக மாணவிகள் வீட்டு உரிமையாளரிடம் தகவல் சொல்லுவதற்காக சென்றுள்ளனர். அந்த சமயத்தில் மானஷா தங்கியிருந்த அறையில் துப்பாக்கி வெடிக்கும் சத்தம் கேட்டிருக்கிறது. உடனே அங்கு சென்று பார்த்தபோது மானஷாவும், ராஹிலும் ரத்த வெள்ளத்தில் கிடந்துள்ளனர்.
சத்தம் கேட்டு கூடிய அப்பகுதி மக்கள் இருவரையும் ஆட்டோவில் கோதமங்கலம் தனியார் மருத்துவமனைக்கு கொண்டு சென்றனர். அங்கு அவர்கள் இறந்துவிட்டதாக மருத்துவர்கள் தெரிவித்துள்ளனர். இதுகுறித்து கோதமங்கலம் காவல் துறைக்கு தகவல் தெரிவிக்கப்பட்டது.
போலீஸார் அங்கு சென்று இரண்டுபேரின் உடலையும் மீட்டு பிரேதபரிசோதனைக்காக அனுப்பிவைத்தனர். மேலும் கொலைக்கு பயன்படுத்திய கைத்துப்பாக்கியையும் போலீஸார் கைப்பற்றினர்.
ராஹில் கொத்தமங்கலத்தில் மானசாவின் பல்கலைகழகம் அருகே ஒரு அறையை வாடகைக்கு எடுத்து தங்கியுள்ளார். ப்ளைவுட் நிறுவன ஊழியர் என்றே அறை எடுத்துள்ளார். அங்கிருந்தபடி மானசாவை பல நாட்கள் கவனித்ததாகவும், இது முன்கூட்டியே திட்டமிடப்பட்ட கொலை என்றும் போலீசார் நம்புகின்றனர். அனைத்து விவரங்களையும் அறிந்த பிறகு, அவர் சொந்த ஊரான கண்ணூருக்கு புறப்பட்டு, மானசாவை கொல்ல துப்பாக்கியுடன் திரும்பி வந்தார்.
கண்ணூர் மற்றும் காசர்கோடு பகுதிகளில் துப்பாக்கி வழங்கும் கும்பல்கள் உள்ளன. இந்த கும்பல்கள் பீகாரில் இருந்து மங்களூர் வழியாக இறக்குமதி செய்யப்பட்ட துப்பாக்கிகளைப் பெறுகின்றன. இறக்குமதி செய்யப்பட்ட கைத்துப்பாக்கிகளும் அவர்களுடன் கிடைக்கின்றன.
இந்த கும்பல்கள் ரவி பூஜாரி என்ற கும்பலுடன் இணைந்து செயல்படுகின்றன. இந்த கும்பல்கள் நம்பகமானவர்களுக்கு மட்டுமே துப்பாக்கிகளை வழங்குகின்றன. பெரும்பாவூர் கும்பல்கள் இந்தக் குழுக்களிடமிருந்து துப்பாக்கிகளைப் பெறுகின்றன என்பதை காவல்துறை முன்பு கண்டறிந்தது. இந்த கும்பல்களுடனும் ராஹிலின் ஈடுபாடு குறித்து காவல்துறை கவனம் செலுத்தும்.
கண்ணூரைச் சேர்ந்த ராஹில் மானசாவை தொந்தரவு செய்வதாக, அவரது பெற்றோர் அவருக்கு எதிராக போலீசில் புகார் அளித்ததாகவும் உறுதிப்படுத்தப்படாத தகவல்கள் உள்ளன. கண்ணூர் பொலிசார் ராஹிலை எச்சரித்து அனுப்பியதாக தெரிய வருகிறது.
