லைவ் ஸ்டைல்

குழந்தைக்கு ஒரு மாதம்.. அம்மாக்கள் தெரிஞ்சுக்க வேண்டியது என்னென்ன?

குழந்தைக்கு ஒரு மாதம்.. அம்மாக்கள் தெரிஞ்சுக்க வேண்டியது என்னென்ன?

குழந்தை வளர்ச்சி என்பது தனிக்கலையாகவே சொல்லலாம். குழந்தை வேகமாக வளரும் போது அதிகமாகவே கற்றுகொள்வார்கள். பிறந்த குழந்தையின் முதல் மூன்று மாத காலங்கள் மிக மிக முக்கியமானவை.

இந்த மூன்று மாத காலமும் குழந்தையோடு அரவணைப்புடன் இருக்க வேண்டும். குழந்தையின் தூக்கம், பசியாறுதல், இயற்கை உபாதை அனைத்தையும் இளந்தாய்மார்கள் கூர்ந்து கவனிக்க வேண்டும். இதனால் அவர்களது மூளை வளர்ச்சி சுறுசுறுப்பாக இருக்கும்.

பிறந்த குழந்தை அதிக நேரம் அழுவார்கள். பெரும்பாலும் பசியுடன் இருக்கலாம். அல்லது இயற்கை உபாதை காரணமாக இருக்கலாம். சமயங்களில் காரணமே இல்லாமல் அழுவார்கள். 6 முதல் 8 வாரங்களில் குழந்தைக்கு அடிக்கடி செவிலியர்கள் மற்றும் குழந்தை மருத்துவ நிபுணர்களின் அருகாமை அடிக்கடி தேவைப்படலாம்.

குழந்தைகள் வெவ்வேறு விதமாக வளரலாம். சராசரியாக ஒவ்வொரு மாதமும் 0.7 முதல் 0.9 கிலோ வரை உயர்ந்து 2. 5 முதல் 4. செ.மீ வரை வளரும். அவர்களது தலைசுற்றளவு ஒவ்வொரு மாதமும் சுமார் 1. 25 செ.மீ அதிகரிக்கும்.

பிறந்த குழந்தைகள் பிறந்த உடன் எடை இழக்கின்றன. ஆரோக்கியமான குழந்தைகள் வழக்கமாக் சுமார் 2 முதல் 3 வாரங்களில் பிறப்பு எடையை துல்லியமாக அடைவார்கள். பிறகு தொடர்ந்து எடை அதிகரிக்க கூடும்.
குழந்தை பிறக்கும் போதே எடை போடப்படும். மருத்துவர் அல்லது செவிலியர் அவர்களது வளர்ச்சியை அட்டவணையில் தவறாமல் குறிப்பார்கள். குழந்தைகள் வேகமாக வளர்வார்கள். குழந்தை பெரியதாகவோ அல்லது சிறியதாகவோ இருக்கலாம். குழந்தையின் எடை அதிகரிப்பை மற்ற குழந்தைகளுடன் ஒப்பிட வேண்டாம்.

ஒரு மாதத்தில் குழந்தைகள் செய்யும் பெரும்பாலானவை சாதாரணமானவை. இந்த ஒரு மாதத்தில் அவர்கள் உள்ளங்கையில் உறிஞ்சுவது, விழுங்குவது, பாலைத்தேடுவது மற்றும் அதைப் புரிந்து கொள்வது ( பெரும்பாலான நேரங்களில் அவர்கள் கைகளை இறுக்கமான சிறிய கை முட்டிகளில் பற்றி கொண்டிருப்பார்கள்) குழந்தையின் கால்களை தட்டையான மேற்பரப்பில் வைத்தால் அவர்கள் கால் பாதத்தை ஒரு அடிக்கு முன்னால் அடியெடுத்து வைப்பார்கள்.

இந்த ஒரு மாதத்தில் கண்களிலும் கவனம் செலுத்துவார்கள். மேலும் பக்கத்திலிருந்து பக்கமாக நகரும் பொருள்களை பின் தொடர்வார்கள். பொருளை பார்ப்பதற்கு முன்னால் அவர்கள் அருகில் இருப்பவர்களை பார்க்க விரும்புவார்கள்.

45 செமீ தூரத்தில் இருந்தால் கண்களை ஆழமாக பார்ப்பார்கள். இந்த வயதிற்குள் பெரும்பாலான குழந்தைகள் தங்கள் பெற்றோர்களை அடையாளம் காண்பார்கள்.

ஒரு மாத குழந்தை குரலை நன்றாகவே அடையாளம் காண்பார்கள். பெரிய சத்தம் கேட்டால் திடுக்கிடுவார்கள். அவர்கள் பின்னோக்கி விழுந்து கைகளையும் கால்களையும் ஆட்டியபடி கண்களையும் சேர்த்து சிமிட்டுவார்கள். சுவாசம் வேகமாக இருக்கும்.

முதல் மாதத்தின் முடிவில் பெரும்பாலான குழந்தைகள் தலையை தூக்க முயற்சிக்கலாம். தலையை ஒரு பக்கமாக மாற்றி படுப்பார்கள். அவர்களின் கழுத்து தசைகள் வலுவடைவதால் தலையை திருப்புவார்கள்.

குழந்தை பசியுடன் அல்லது சங்கடமாக இருக்கும் போது சத்தமாக அழுவார்கள். குழந்தையின் சத்தங்களை உன்னித்து கேட்டால் புரியும். அதுவே அவர்கள் மகிழ்ச்சியால் இருக்கும் போது சிறிய சத்தங்களை எழுப்புவார்கள். குழந்தையின் சத்தங்களை எப்படி எடுத்துகொள்வது என்பதை அறிந்துகொள்ள அம்மாக்கள் சில விஷயங்களை பின்பற்ற வேண்டும்.

ஒரு மாதத்தில் சில குழந்தைகள் கை விரல்கள் அல்லது கட்டை விரல்களை உறிஞ்சுவதன் மூலம் இதை உணர்த்தலாம். இந்த நேரத்தில் குழந்தையின் பசியாறுதல் அவசியமாகும்.

குழந்தைகள் முதல் மாதத்தில் அவர்களது தேவைகளை பற்றி இளந்தாய்மார்கள் நிறைய விஷயங்களை கற்றுகொண்டிருப்பீர்கள்.

குழந்தை நாள் முழுக்க கிட்டத்தட்ட 16 மணி நேரத்துக்கும் மேலாக அதிகம் தூங்குவார்கள். அவர்கள் கைகளை, கால்களை அசைக்கவில்லை எனில் நீங்கள் உன்னிப்பாக கவனியுங்கள்.

குழந்தையின் கண்கள் உங்கள் முகத்தை பின் தொடர்வதில் சிக்கல் இருந்தால் அவர்கள் உங்களை பார்க்கும் போது பதிலளிக்காமல் இருந்தால் நீங்கள் கவனிக்க வேண்டும். சத்தம் கேட்டு எவ்விதமான அசைவையும் வெளியிடாத குழந்தை, எப்போதும் அழுது கொண்டே இருக்கும் குழந்தை, தூங்குவதை மட்டுமே செய்து கொண்டிருக்கும் குழந்தை இருந்தால் நீங்கள் தாமதிக்காமல் மருத்துவரை அணுகுவது அவசியம்.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

அப்பளம் அதிகமாக சாப்பிட்டால் இவ்வளவு ஆபத்துகள் இருக்கா?

divya divya

நோய் தீர்க்கும் பாட்டி கால கஞ்சி வகைகள்!

divya divya

எடையை குறைக்க அற்புதமான காலை உணவுகள்.

divya divya

Leave a Comment

error: Alert: Content is protected !!