சாவகச்சேரி பிரதேசசபை உறுப்பினர் ஒருவர் தவறான முடிவெடுத்து உயிரை மாய்த்துள்ளார்.
கொடிகாமம், இராமாவில் பகுதியை சேர்ந்த சி.கஜேன் (28) என்பவரே இன்று (11) அதிகாலை சடலமாக மீட்கப்பட்டார்.
தமிழ் தேசிய மக்கள் முன்னணியின் சார்பில் சாவகச்சேரி பிரதேசசபைக்கு நியமன பட்டியல் உறுப்பினராக தெரிவான இவர், தமிழ் தேசிய மக்கள் முன்னணிக்குள் பிளவு ஏற்பட்ட போது, மணிவண்ணன் தரப்புடன் இணைந்து செயற்பட்டு வந்தார்.
இன்று அவருக்கு திருமண கலப்பு இடம்பெறவிருந்தது.
நேற்று இரவு தாய், சகோதரனுடன் சிறிய வாய்த்தர்க்கம் ஏற்பட்டதையடுத்து, வீட்டை விட்டு வெளியேறியுள்ளார். வழக்கமாக தர்க்கம் ஏற்பட்டால் வீட்டை விட்டு வெளியேறி, பக்கத்திலுள்ள காணியில் இருந்து விட்டு, சற்று நேரம் கழித்து வீட்டுக்கு வருவதை வழக்கமாக கொண்டிருந்தார்.
நேற்று அவர் வீட்டை விட்டு வெளியேறிய போதும், அவர் சற்று நேரத்தினால் திரும்பி வருவார் என உறவினர்கள் நினைத்திருந்தனர். எனினும், நீண்டநேரமாகியும் அவர் வீடு திரும்பாததையடுத்து, அவரை தேடியுள்ளனர்.
தற்கொலை முடிவெடுப்பவர்கள் தமது குடும்பத்தினரை தீராத துயரத்தில் ஆழ்த்தி செல்கிறார்கள். யாருக்கேனும் தனிமை, உதவி தேவையான நிலை காணப்பட்டால் உதவி எண்களை அழையுங்கள்.
