கொரோனா வைரஸின் டெல்டா மாறுபாட்டின் பயம் அதிகரித்து வருவதைக் கருத்தில் கொண்டு பிஜி (Fiji) அரசு கடுமையான நடவடிக்கைகளை எடுக்கப் போகிறது. தடுப்பூசி செலுத்திக்கொள்ளாதவர்கள் தங்கள் வேலையை இழக்க நேரிடும் என்று பிரதமர் பிராங்க் பைனிமராமா (Frank Bainimarama) அறிவித்துள்ளார்.
‘No Jabs, No Job’ அதாவது தடுப்பூசி (Vaccine) செலுத்திக்கொள்ளவில்லை என்றால், வேலைகள் இல்லை என்ற புதிய தகவலை அளித்த அவர், கொரோனாவைத் தவிர்ப்பதற்கு தடுப்பூசி போடுவது அவசியம் என்றும், அதை மறுப்பவர்கள் மீது கடுமையான நடவடிக்கை எடுக்கப்படும் என்றும் கூறியுள்ளார். டெல்டா மாறுபாடு உலகின் பல நாடுகளின் பிரச்சினைகளை அதிகரித்துள்ளது என்பது குறிப்பிடத்தக்கது. டெல்டா மாறுபாடு அமெரிக்கா இங்கிலாந்து போன்ற நாடுகளுக்கும் ஒரு பெரிய தலைவலியாகிவிட்டது.
பிஜியின் (Fiji) பிரதமர் பிராங்க் பைனிமராமா, ஆகஸ்ட் 15 ஆம் திகதிக்குள் தடுப்பூசியின் முதல் டோசை செலுத்திக்கொள்ளாத அரசு ஊழியர்கள் கட்டாய விடுப்பில் அனுப்பப்படுவார்கள் என்றும் நவம்பர் 1 ஆம் திகதிக்குள் இரண்டாவது டோஸ் செலுத்தப்படாவிட்டால், பணிநீக்கம் செய்யப்படுவார்கள் என்றும் அதிரடியாக அறிவித்துள்ளார்.
அரசாங்கத்தின் சார்பாக, தடுப்பூசி போடுவதில் தீவிரம் காட்டப்பட வேண்டு என்றும், இல்லையெனில் கடுமையான அபராதங்களுக்கு தயாராக இருக்குமாறும் நிறுவனங்களுக்கு தெளிவாக கூறப்பட்டுள்ளது. தனியார் ஊழியர்களுக்கான காலக்கெடு ஆகஸ்ட் 1 என்று நிர்ணயிக்கப்பட்டுள்ளது.
