ஸ்காட்லாந்தில் பேய் பிடித்ததாக சொல்லப்படும் கிராமம் விற்பனைக்கு அறிவிக்கப்பட்டுள்ளது.
பிரிட்டனின் வடக்கு பகுதியில் இருக்கிறது ஸ்காட்லாந்து அங்கு லாயர்ஸ் என்ற ஒரு கைவிடப்பட்ட கிராமம் இருக்கிறது. இந்த கிராமத்தில் மக்கள் யாரும் வசிப்பதில்லை. 1841ல் இந்த கிராமத்தில் 17 பேர் வசித்துள்ளனர். 1891ல் 7 பேர் தான் வசித்துள்ளனர். இந்நிலையில் 1926ம் ஆண்டு இந்த கிராமத்தில் ஒருவர் கூட வசிக்க வில்லை. இதற்கு முக்கியமாக காரணம் இந்த கிராமத்தில் பேய் இருப்பது என மக்கள் நம்புவது தான்.
ஒரு காலத்தில் இந்த கிராமத்தில் ஒரு பெண் ஒருவர் இருந்துள்ளார். மந்திரவாதியாகவும் குறி சொல்லும் பெண்ணாகவும் இருந்துள்ளார். இவர் சொல்லிய பல விஷயங்கள் இன்றும் நடந்து வருவதாக கூறுகின்றனர். இவர் வாழ்ந்த போது இந்த கிராமத்திலிருந்த சர்ச் அருகே ஒரு மரக்கன்று நட்டு இந்த மரம் எப்பொழுது வளர்ந்து இந்த சர்ச்சை விட உயரமாக மாறுகிறதோ அன்று இந்த சர்ச் இடிந்துவிடும் என சொல்லியுள்ளார் அதன் படியே அந்த சர்ச்சும் இடி விழுந்து சேதமாகிவிட்டது. இதனால் சுற்று வட்டார பகுதியில் உள்ள மக்கள் அந்த பெண்ணின் முகத்திலேயே முளிக்க பயந்தனர். பலர் அந்த கிராமத்திற்குள்ளேயே நுழைய பயந்தனர். அந்த பெண் இறந்த பின்பு அந்த கிராமத்தில் அந்த பெண்ணின் பேய் பிடித்துக்கொண்டிருப்பதாக சொல்லப்படுகிறது. இதனால் இன்றுவரை அந்த கிராமத்திற்குள் உள்ளூர் யாரும் செல்வதில்லை. சிலர் அந்த கிராமத்தில்இந்த பேய் இருப்பதை உணர்ந்ததாக சொல்கிறார்கள்.
அந்த கிராமம் முற்றிலும் இயற்கையால் நிறைந்த பகுதி அழகான இடம். அந்த கிராமத்திற்கு என்று ஒரு பீச் உள்ளது. இப்படியான இந்த கிராமம். சுமார் 100ஆண்டுகளாக மக்கள் வசிக்காத பகுதியாக இருக்கிறது. 99 ஆண்டுகளுக்கு மேல் யாரும் அனுபவிக்காத சொத்தை பொது சொத்தாக கருதலாம் என அந்நாட்டில் சட்டம் உள்ளது. அதனால் அங்குள்ள வீடுகளை தற்போது உரிமை கோர யாருக்கும் உரிமையில்லை. இதனால் இது அரசின் சொத்தாக தற்போது மாறியுள்ளது.
தற்போது அந்நாட்டின் அரசு இந்த கிராமத்தை விற்பனை செய்ய தீவிரமாக முயற்சி செய்து வருகிறது. இதற்காக இந்த கிராமமத்தை விலக்கு வாங்க நினைப்பவர்களுக்கு விலையாக 1.73 லட்சம் அமெரிக்க டாலரை விலையாக வாங்க மதிப்பிட்டுள்ளது. அதன் இந்திய மதிப்பு. ரூ1.28 கோடியாகும். சுமார். 3.31 ஏக்கர் பரப்பளவு கொண்ட இந்த கிராமத்திற்கு இந்த விலை மிகக்குறைந்த விலையாக கருதப்படுகிறது. தற்போது இந்த கிராமத்தில் பேய் இருப்பதாக மக்கள் கூறுவதால் இந்த குறைந்த விலை நிர்ணயம் செய்யப்பட்டுள்ளதாக கூறப்படுகிறது.
