வட மாகாணத்தில் இன்று மேற்கொள்ளப்பட்ட பிசிஆர் சோதனைகளில் 59 தொற்றாளர்கள் அடையாளம் காணப்பட்டனர்.
யாழ்ப்பாணம் போதனா வைத்தியசாலை ஆய்வுகூடம், யாழ்ப்பாண பல்கலைகழக மருத்துவபீட ஆய்வுகூடம் என்பவற்றில் இன்று 632 பேரின் மாதிரிகள் சோதனையிடப்பட்டன.
இதில், யாழ் மாவட்டத்தில்- தெல்லிப்பளை ஆதார வைத்தியசாலையில் ஒருவர், யாழ் போதனா வைத்தியசாலையில் 10 பேர், காரைநகர் சுகாதார வைத்திய அதிகாரி பிரிவில் 2 பேர், பருத்தித்துறை சுகாதார வைத்திய அதிகாரி பிரிவில் 6 பேர், உடுவில் சுகாதார வைத்திய அதிகாரி பிரிவில் 4 பேர், மானிப்பாய் பிரதேச வைத்தியசாலையில் 8 பேர், பண்டத்தரிப்பு பிரதேச வைத்தியசாலையில் 2 பேர், யாழ் சுகாதார வைத்திய அதிகாரி பிரிவில் 3 பேர், சண்டிலிப்பாய் சுகாதார வைத்திய அதிகாரி பிரிவில் 2 பேர் என 38 பேர் தொற்றிற்குள்ளாகினர்.
மன்னார் மாவட்டத்தில், மன்னார் பொது வைத்தியசாலையில் 3 பேர் தொற்றிற்குள்ளாகினர்.
முல்லைத்தீவு மாவட்டத்தில்- புதுக்குடியிருப்பு ஆதார வைத்தியசாலையில் ஒருவர் தொற்றிற்குள்ளாகினார்.
இது தவிர, பெரியகட்டு தனிமைப்படுத்தல் மையத்தில் 2 பேர், வெள்ளா முள்ளிவாய்க்கால் 681 படையணி தனிமைப்படுத்தல் மையத்தில் ஒருவர், இரணைமடு தனிமைப்படுத்தல் மையத்தில் 2 பேர், வசாவிளான் தனிமைப்படுத்தல் மையத்தில் 12 பேர் தொற்றுடன் அடையாளம் காணப்பட்டனர்.
