மகிழ் திருமேனி இயக்கத்தில் அருண் விஜய் நடிப்பில் வெளியாகி ஹிட் ஆன ‘தடம்’ படத்தின் மூலம் நடிகையாக அறிமுகமானார் ஸ்ம்ருதி வெங்கட். அதையடுத்து ஆர்ஜே பாலாஜி மற்றும் நயன்தாரா நடிப்பில் வெளியான ‘மூக்குத்தி அம்மன்’ படத்தில் முக்கியக் கதாபாத்திரத்தில் நடித்திருந்தார் ஸ்ம்ருதி.
தற்போது ‘தீர்ப்புகள் விற்கப்படும்’ என்ற படத்தில் நடித்து வருகிறார். அதையடுத்து கார்த்திக் நரேன் இயக்கத்தில் தனுஷ் நடிக்க இருக்கும் படத்திலும் ஸ்ம்ருதி இணைந்துள்ளார். மேலும் சில படங்களிலும் நடிக்க கமிட் ஆகியிருப்பதாகக் கூறப்படுகிறது.
ஊரடங்கு என்பதால் எல்லோரையும் போலவே வீட்டில் ஜாலியாக நேரம் செலவிட்டு வருகிறார் ஸ்ம்ருதி. தற்போது அவர் மொட்டை மாடியில் செடி வைக்குமாறு வெளியிட்டுள்ள புகைப்படங்கள் இணையத்தில் வைரலாகி வருகின்றன.
