கொரோனாவிலிருந்து குணமடைந்தவர்கள் அவசியம் சேர்க்க வேண்டிய சத்துமிக்க பானங்கள்!

​தக்காளி புதினா சாறு

தக்காளி புதினா சாறு ஆக்ஸிஜனேற்றத்தில் மிகுதியாக உள்ளது. இது செரிமானத்தை சீராக்க செய்யும். எப்படி இதை தயாரிப்பது

தக்காளி – 4

புதினா இலைகள் – அரை கைப்பிடி

எலுமிச்சை சாறு – அரை டீஸ்பூன் அளவு

கருப்பு மிளகு – சுவைக்கு

புதினா இலைகளை ஒரு சுற்று சுற்றி பிறகு தக்காளியை சேர்த்து ப்ளெண்டரில் அரைத்து அதில் எலுமிச்சை சாறு கருப்பு உப்பு சேர்த்து நன்றாக கலக்கி குடிக்கவும். தினமும் ஒரு டம்ளர் குடிக்கலாம்.

​கேரட், பீட், நெல்லி மற்றும் இஞ்சி சாறு

கேரட் மற்றும் பீட்ரூட் உடலின் நச்சுத்தன்மையை நீக்க செய்கிறது. கல்லீரல் ஆரோக்கியத்தை பாதுகாக்கிறது. நெல்லிக்காய் வைட்டமின் சி நிறைந்தவை இது நோய் எதிர்ப்பு சக்தியை அதிகரிக்க செய்பவை.

கேரட்- 1

பீட்ரூட் – பாதி அளவு

நெல்லிக்காய் – 2

இஞ்சி துண்டு- சிறிய அளவு

எலுமிச்சை சாறு – கால் டீஸ்பூன்

கேரட், பீட்ரூட் இரண்டையும் தோல் சீவி நறுக்கி ப்ளெண்டரில் அரைத்து நெல்லிக்காய் மற்றும் இஞ்சி சாறு சேர்த்து நன்றாக கலக்கி விடவும். தேவையெனில் உப்பு சேர்த்து கலந்து குடிக்கலாம். தினமும் ஒரு டம்ளர் வீதம் இதை குடித்து வரலாம்.

​எலுமிச்சை, அன்னாசி மற்றும் பச்சை ஆப்பிள்

இந்த மூன்றுமே கால்சியம் மற்றும் வைட்டமின் சி மூலம் ஆகும். இந்த சாறு நோய் எதிர்ப்பு சக்தியை மேம்படுத்த் உதவுகிறது. செரிமானத்தை மேம்படுத்துகிறது.

அன்னாசி பழத்துண்டுகள் – அரை கப்

பச்சை ஆப்பிள் – அரை கப்

எலுமிச்சை சாறு – கால் டீஸ்பூன்

ராக் சால்ட் – சிட்டிகை

அன்னாசி பழத்துண்டுகள், க்ரீன் ஆப்பிள் இரண்டையும் மிக்ஸியில் அரைத்து கூழாக்கி கொள்ளவும். இதில் எலுமிச்சை சாறு, ராக் சால்ட் அடித்து குடிக்கலாம். அன்னாசியும், க்ரீன் ஆப்பிளும் சுவையானவையும் கூட.

​கிவி, ஸ்ட்ராபெர்ரி மற்றும் ஆரஞ்சு சாறு

இந்த சாறு ஆக்ஸிஜனேற்றத்தால் நிரம்பியுள்ளது. இது நோய் எதிர்ப்பு சக்தியை அதிகரிக்க செய்கிறது. இரத்த அழுத்த அளவை நிர்வகிக்க உதவுகிறது. மேலும் நோய்களை தடுக்கவும் செய்கிறது.

ஸ்ட்ராபெர்ரி – 1 கப்

கிவி பழம் நறுக்கப்பட்டது – 2

ஆரஞ்சு – 1

தண்ணீர் – தேவைக்கு

தேன் – 1 டீஸ்பூன் அளவு

ஸ்ட்ராபெர்ரி கிவி இரண்டையும் கலந்து ப்ளெண்டரில் அடித்து, ஆரஞ்சு சாறு, தண்ணீர் தேன் சேர்த்து கலந்து குடிக்கவும்.

​மஞ்சள், இஞ்சி எலுமிச்சை மற்றும் ஆரஞ்சு பொருள்கள்

மேற்கண்ட இந்த நான்குமே ஆண்டி வைரல் மற்றும் பாக்டீரியா எதிர்பு பண்புகளை கொண்டவை.

மஞ்சள் – கால் டீஸ்பூனில் பாதி அளவு

இஞ்சி சாறு – 3 டீஸ்பூன்

எலுமிச்சை – 1 டீஸ்பூன்

ஆரஞ்சு சாறு – அரை கப்

தண்ணீர் – தேவைக்கு

ஆரஞ்சு சாறில் எலுமிச்சை சாறு, இஞ்சி சாறு, எலுமிச்சை சாறு, தண்ணீர் போன்றவற்றை கலந்து மஞ்சள் சேர்த்து குடிக்கவும். தினமும் ஒரு டம்ளர் வீதம் குடித்தால் போதுமானது.

​வெள்ளரிக்காய், கீரை, செலரி, எலுமிச்சை மற்றும் இஞ்சி

நமது உடலின் ஒட்டுமொத்த ஆரோக்கியத்தையும் மேம்படுத்த அன்றாட உணவில் கீரைகள் அவசியம் சேர்க்க வேண்டும். இது வீக்கத்தை குறைக்க உதவுகிறது மேலும் செரிமானத்தை மேம்படுத்த செய்கிறது.

வெள்ளரிக்காய் – 1

கீரை – 100 கிராம்

செலரி தண்டுகள் – 3

இஞ்சி – சிறுதுண்டு

அனைத்தையும் சுத்தம் செய்து ப்ளெண்டரில் மைய அரைத்து விடவும். தேவையெனில் சிறிது எலுமிச்சை சாறு மற்றும் கருப்பு உப்பு சேர்க்கலாம்.