கிளிநொச்சி மாவட்டத்தின் தர்மபுரம் பொலிஸ் பிரிவிற்குட்பட்ட மயில்வாகனபுரம் பகுதியில், தனது மருமகனை அடித்தே கொன்ற மாமனார் கைது செய்யப்பட்டுள்ளார்.
நேற்று (29) மாலை 4.30 மணியளவில் நடந்த இந்த சமபவத்தில் பெ.ரவிச்சந்திரன் (36) என்ற நபரே உயிரிழந்துள்ளார்.
நேற்று மாலை கணவன், மனைவிக்கிடையில் குடும்ப மோதல் ஏற்பட்டுள்ளது. இதன்போது அங்கு வந்த மனைவியின் தந்தை, சம்பவத்தில தலையிட்டுள்ளார்.
இதன்போது, மாமனாருக்கும், மருகனிற்குமிடையில் முரண்பாடு ஏற்பட்டு, கைகலப்பு உருவானது. இதன்போதே, தனது மருமகனை, மாமனார் அடித்து கொன்றுள்ளார்.
தாக்குதலில் பலத்த காயமடைந்த மருமகன் வைத்தியசாலைக்கு கொண்டு செல்லப்பட்ட போதும், சிகிச்சை பலனின்றி உயிரிழந்தார்.
