சுமந்திரன் அணி தனி ஆவர்த்தனம்: தமிழ் அரசு கட்சிக்குள் குழப்பம்!

Date:

இலங்கை தமிழ் அரசு கட்சிக்கு தெரியாமல்- இலங்கை தமிழ் அரசு கட்சியின் சுமந்திரன் அணியினரே ஏற்பாடு செய்த கூட்டம் இன்று யாழ்ப்பாணம் இலங்கை வேந்தன் கலைக்கல்லூரியில் இடம்பெறுகிறது.

இலங்கை தமிழ் அரசு கட்சி உள்ளிட்ட தமிழ் தேசிய கூட்டமைப்பிற்குள் தனி ஆவர்த்தனம் வாசிக்க முயற்சிக்கும் சுமந்திரன் அணியினரின் பின்னணியில், சட்ட மாணவர்கள் என்ற பெயரில் இந்த கூட்டம் இடம்பெறுகிறது.

இதற்கான முன்னோடி சந்திப்பு சில தினங்களின் முன்னர் இடம்பெற்றது.

எதிர்வரும் மாகாணசபை தேர்தலில்  சுமந்திரன் அணியாக பலத்தை நிரூபிக்கும் முயற்சியின் ஒரு அங்கமாக இந்த கூட்டம் இடம்பெறுகிறது. இது தமிழ் தேசிய கூட்டமைப்பிற்குள் உடைவை ஏற்படுத்தும் முயற்சியென இலங்கை தமிழ் அரசு கட்சிக்குள் எதிர்ப்புக்கள் கிளம்பியுள்ளன.

தேர்தலிற்கு முன்னதாக வீரசிங்கம் மண்டபம், சுன்னாகம் போன்ற இடங்களில் சுமந்திரன் அணி இதேவிதமான கூட்டங்களை ஏற்பாடு செய்து, கட்சி தலைமை மீதும் விமர்சனங்களை வைத்தனர். எனினும், தேர்தல் சமயமென்பதால் கட்சி அதற்கு கட்டுப்பாடு விதித்தது.

இம்முறை, கட்சி தலைவர் மாவை சேனாதிராசா கட்சியை கட்டுப்படுத்த முடியாத நிலைமையில் இருக்கையில், சுமந்திரன், சாணக்கியன் குழு மீண்டும் தனி ஆவர்த்தனம் வாசிக்க ஆரம்பித்துள்ளனர்.

இந்த சந்திப்புக்கள் குறித்து கட்சி தலைமையும் கடுமையான அதிருப்தியை கொண்டிருப்பதாக அறிய முடிகிறது. கட்சியின் பிரமுகர்கள், கட்சி தலைமையிடம் தமது அதிருப்தியை தெரிவித்திருப்பதை தமிழ்பக்கம் அறிந்தது.

இதேவிதமாக கூட்டங்களை- கட்சிக்கு தெரியாமல், அணிகளை உருவாக்கும் கூட்டங்களை- தொடர்ந்து நடத்த வேண்டாமென கட்சி தலைமை விரைவில் அறிவிக்குமென தெரிய வருகிறது.

spot_imgspot_img

More like this
Related

பந்து சேதப்படுத்தல் விவகாரத்தில் நடந்தது என்ன?: போட்டுடைத்தார் பான்கிராஃப்ட்

வெஸ்ட் அவுஸ்திரேலியன் பத்திரிகையில் வெளியிடப்பட்ட ஒரு விரிவான சாட்சியத்தில், தென்னாபிரிக்காவுக்கு எதிரான...

அம்பாறையில் திடீர் கடல் கொந்தளிப்பு-பெரியநீலாவணை முதல் அக்கரைப்பற்று வரை கடற்கரை வீதியைத் தாண்டி குடியிருப்புப் பகுதிக்குள் புகுந்த கடல் நீர்

அம்பாறை மாவட்டத்தின் பெரியநீலாவணை, பாண்டிருப்பு, கல்முனை இஸ்லாமபாத், கடற்கரைப்பள்ளி, சாய்ந்தமருது, மாளிகைக்காடு,...

நெதன்யாகுவின் எதிர்ப்பாளர்கள் அணியிடம் இஸ்ரேல் சபாநாயகர் பதவி

இஸ்ரேலிய நாடாளுமன்றம் செவ்வாய்க்கிழமையன்று புதிய சபாநாயகரைத் தேர்ந்தெடுத்தது. தேர்ந்தெடுக்கப்பட்ட இந்த நபர்...
spot_imgspot_img
spot_imgspot_img

பரபரப்பான செய்திகள்