மயிலத்தமடு மாதவணை கால்நடை பண்ணையாளர்கள், தங்களின் உரிமைகளை மீட்கவும் நிலப் பிரச்சினைகளுக்கு நிரந்தர தீர்வை பெற்றுக்கொள்ளவும் தொடர் போராட்டங்களில் ஈடுபட்டுள்ளனர். இந்நிலையில், 2025ம் ஆண்டுக்கான பட்டிப் பொங்கல் விழா மற்றும் அறநெறி போராட்டம் இன்று (16.01.2025) அதிகாரபூர்வமாக அழைப்பு விடுக்கப்பட்டுள்ளமை குறிப்பிடத்தக்கதாகும்.
இவ்விழாவும் போராட்டமும் ஒழுங்கு செய்யப்படும் நிலையில், நமது சமூகத்தின் வரலாற்றையும் வருங்காலத்தைப் பற்றிய சிந்தனை மீண்டும் அவசியமாகியுள்ளது. மேய்ச்சல் தரைப் பிரச்சினைகள் இன்றைய நிலைக்கு எப்படி கொண்டு சென்றது? அல்லது யார் காரணமாக இது நிகழ்ந்தது? என்ற கேள்விகள் எழுந்துள்ளன.
மயிலத்தமடு மாதவணை பிரச்சினைகளின் அடிப்படையானது நில உரிமைகள், வாழ்வாதார உரிமை, பாரம்பரிய கால்நடை வளர்ப்பு, அரசியல் சதிகள் மற்றும் இனவாத திட்டங்கள், மகாவலி திட்டத்தின் கீழ் சிங்கள குடியேற்றங்கள் என்பனவாகும்.
இவை அனைத்தும் சமூகத்தின் சமநிலையைக் குலைத்து வருவதுடன், பிரதேச மக்கள் நிரந்தரமாக தங்களின் அடையாளங்களையும் உரிமைகளையும் இழக்கும் அபாயத்தை தோற்றுவிக்கின்றன.
கடந்த காலங்களில், மாவட்ட மட்டத்தில் மேய்ச்சல் நிலங்களுக்கு தீர்வு காண அரசியல் அமைப்புகளும் அதிகாரிகளும் இணைந்த செயல்முறைகளை மேற்கொள்ளவில்லை. முன்னாள் நீதிமன்ற வழக்குகள் மற்றும் அவை பின்பற்றப்படாத நீதிமன்ற தீர்ப்புகள் வழக்கம் போலவே நிறைவேற்றப்படாமல் போனது.
சிலர், அரசின் கைக்கூலிகளாக செயல்பட்டு, பண்ணையாளர்களின் உரிமைக் குரல்களை அடக்கியும், தங்களுக்கு சலுகைகள் பெற்றும் செயல்பட்டு வருகின்றனர். இதனால் போராட்டங்களின் தீவிரம் குறைக்கப்பட்டு, உண்மையான உரிமைக்குரிய போராளிகள் பின்வாங்கவைக்கப்படுகிறார்கள்.
மகாவலி திட்டம் “அபிவிருத்தி” என்ற பெயரில் சிங்கள குடியேற்றங்களை முன்னிறுத்தி, தமிழர்களின் வாழ்க்கை நிலைகளை மேலும் குலைக்கும் ஆபத்தான திட்டமாகவே வெளிப்படுகிறது. இது பரிணாம சமூகத்திற்கும் இயற்கை வளங்களுக்கும் பேரழிவை ஏற்படுத்தக் கூடியதாகும்.
இன்றைய போராட்டங்களும் நிகழ்வுகளும், சமூகத்தின் ஒவ்வொருவருக்கும் சிந்தனைக்கான அழைப்பாகும். கவர்ச்சிகரமான வார்த்தைகள் மூலம் அபிவிருத்தி என விளங்குபவர்களுக்கு எதிர்கால சந்ததியினர் முன்னிலையில் பொறுப்புக்கூற வேண்டிய நாள் நிச்சயம் வரும்.
மயிலத்தமடு மாதவணை போராட்ட களங்கள் தொடரும் போராட்டத்தின் மூலம் உண்மையான மாற்றத்தைக் கொண்டுவரும் நாளுக்காக ஒவ்வொருவரும் உறுதி கொள்ள வேண்டும்.
