மஹிந்தவின் வலது கையிடம் நேற்று: மகனிடம் 3ஆம் திகதி விசரணை!

முன்னாள் ஜனாதிபதி மஹிந்த ராஜபக்ஷவின் பிரதான பாதுகாப்பு அதிகாரி நெவில் வன்னியாராச்சியிடம் குற்றப் புலனாய்வுப் பிரிவினர் விசாரணைகளை மேற்கொண்டுள்ளனர்.

நேற்று (27) நான்கு மணிநேரம் அவரிடம் விசாரணை நடத்தப்பட்டதாக அந்த செய்தியில் தெரிவிக்கப்பட்டுள்ளது.

நெவில் வன்னியாராச்சி தமக்கு இருப்பதாக கூறப்படும் பெருந்தொகையான சொத்துக்களை எவ்வாறு பெற்றுக்கொண்டார் என்பது தொடர்பிலேயே இந்த கேள்விகள் இடம்பெற்றுள்ளதாக தெரியவந்துள்ளது.

இதேவேளை, முன்னாள் ஜனாதிபதி மஹிந்த ராஜபக்ஷவின் புதல்வரான யோஷித ராஜபக்சவிற்கு சட்டவிரோதமாக சொத்து சேர்த்தமை தொடர்பில் வாக்குமூலம் வழங்குமாறு குற்றப் புலனாய்வுத் திணைக்களம் அறிவித்துள்ள நிலையில், அவர் எதிர்வரும் 3ஆம் திகதி குற்றப் புலனாய்வு திணைக்களத்திற்கு வரவுள்ளதாக தெரிவிக்கப்பட்டுள்ளது.