திக்வெல்ல-வலஸ்கல பிரதேசத்தில் உள்ள கால்நடை வைத்தியர் அலுவலகத்திற்கு அருகில் இன்று (21) அதிகாலை 5.30 மணியளவில் துப்பாக்கிச் சூட்டு சம்பவம் இடம்பெற்றுள்ளதாக பொலிஸார் தெரிவித்துள்ளனர்.
மோட்டார் சைக்கிளில் பயணித்த நபர் ஒருவர் குறித்த துப்பாக்கிச் சூட்டுக்கு இலக்காகி உள்ளதோடு, அவர் சம்பவ இடத்திலேயே உயிரிழந்துள்ளதாக தெரியவருகிறது.
உயிரிழந்தவர் வலஸ்கல பிரதேசத்தைச் சேர்ந்த 48 வயதுடையவர் என பொலிஸார் தெரிவித்தனர்.
துப்பாக்கிச்சூடு நடத்தியது யார் என்பது தொடர்பில் இதுவரை தகவல்கள் வௌியாகவில்லை.
சந்தேகநபர்கள் எவ்வாறு வருகைதந்தனர் என்பது தொடர்பில் இதுவரை எவ்வித தகவலும் வெளியாகவில்லை.
ஒழுங்கமைக்கப்பட்ட குற்றவாளியின் பெயரில் உள்ளூர் நபரிடம் பணம் பறித்ததற்காக உயிரிழந்தவர் மீது நீதிமன்றத்தில் வழக்கு நிலுவையில் உள்ளதால், இந்த துப்பாக்கிச் சூட்டுக்கும் இந்த விடயத்திற்கும் ஏதேனும் தொடர்பு உள்ளதா என்பது குறித்து விசாரணை அதிகாரிகள் அவதானம் செலுத்தி வருகின்றனர்.
துப்பாக்கிச் சூட்டுக்கு T-56 துப்பாக்கி பயன்படுத்தப்பட்டிருக்கலாம் என பொலிஸார் சந்தேகிக்கின்றனர்.
சந்தேக நபர்களை கைது செய்வதற்கான மேலதிக விசாரணைகளை திக்வெல்ல பொலிஸார் மேற்கொண்டு வருகின்றனர்.
